Крычаўскі райцэнтр турызму, краязнаўства і экскурсій дзяцей і моладзі атрымаў перамогу ў першынстве па тэхніцы завязвання насілак і кокана

Аддзел турызму, спартыўнага арыентавання і экскурсій абласнога цэнтра творчасці ў анлайн-рэжыме правёў адкрытае першынство Магілёўскай вобласці па тэхніцы турызму (завязванне насілак і кокана).

У спаборніцтвах прынялі ўдзел 48 вучняў з 12 каманд устаноў адукацыі Быхаўскага, Горацкага, Глускага, Крычаўскага, Касцюковіцкага, Клімавіцкага, Кіраўскага, Асіповіцкага, Чэрыкаўскага раёнаў, гарадоў Бабруйск і Магілёў.

У першы кваліфікацыйны дзень удзельнікам неабходна было звязаць насілкі для транспарціроўкі пацярпелага. Улічваўся час працы і правільнае выкананне тэхнічных прыёмаў. У выніку з 12 каманд у фінал, дзе хлопцы вязалі кокан на тых жа ўмовах, выйшла 7.

У выніку 1 месца занялі прадстаўнікі ДУА «Крычаўскі раённы цэнтр турызму, краязнаўства і экскурсій дзяцей і моладзі». Ганаровае 2-е – у каманды ДУДА «Цэнтр творчасці “Эверэст” г.Магілёва». На 3-м месцы размясцілася каманда ДУА «Цэнтр турызму, краязнаўства і экскурсій дзяцей і моладзі г. Бабруйска».