Кубак Беларусі па лёгкаатлетычным кросе прыме 7 мая Магілёў

Кубак Беларусі і рэспубліканскія спаборніцтвы па лёгкаатлетычным кросе на прызы газеты «СБ. Беларусь сегодня», а таксама рэспубліканскія спаборніцтвы па эстафетным бегу памяці заслужанага трэнера Беларусі Аляксандра Кіцэнкі адбудуцца ў Магілёве 7 мая.
У праграму кросавых спаборніцтваў увойдуць наступныя дыстанцыі: 1 км–юнакі і дзяўчаты 2006–2007 гг. н., 2 км–юнакі і дзяўчаты 2004–2005 гг. н., 3 км–юніёры і юніёркі 2002–2003 гг. н, 5 км–мужчыны і жанчыны 2001 г.н. і старэйшыя.

Спаборніцтвы па эстафетным бегу будуць прадстаўлены ў дзвюх узроставых катэгорыях на дыстанцыі 4х800м. У першай з іх прымуць удзел дарослыя спартсмены (2 мужчыны, 2 жанчыны), у другой – групы рэзерву (1 юніёр, 1 юніёрка, 1 юнак, 1 дзяўчына). Чарговасць па этапах пазначана ў раскладзе спаборніцтваў.

Рэд.