Культурны і эканамічны патэнцыял прэзентуе Магілёўшчына на форуме «Млын поспеху»

Нацыянальнае адзенне, інкруставаныя саломкай куфры, аўтарскія лялькі. У Палацы культуры вобласці ў Магілёве да XV Міжнароднага эканамічнага форуму «Млын поспеху», што стартаваў сёння, адкрылі выставу народнай творчасці.

- У кааперацыйным форуме па імпартазамяшчэнні ўдзельнічаюць дэлегацыі з дзяржаў - членаў Шанхайскай арганізацыі супрацоўніцтва. Многія прыехалі ў наш край упершыню, і мы хочам азнаёміць іх з багатымі культурнымі традыцыямі Беларусі і ў прыватнасці нашага рэгіёну, — кажа вядучы рэдактар Магілёўскага абласнога метадычнага цэнтра народнай творчасці і культурна-асветнай працы Крысціна Башарымава. - На нашай пляцоўцы госці з розных рэгіёнаў Расіі, а таксама Кітая, Таджыкістана, Індыі, Ірана і Пакістана змогуць азнаёміцца з гісторыяй ткацтва, вышыўкі, тэкстыльнай лялькі, керамікі, саломапляцення і лозапляцення, а таксама іншымі відамі народных мастацкіх рамёстваў.

Выстаўка падрыхтавана майстрамі Магілёўскага абласнога метадычнага цэнтра народнай творчасці сумесна з Чавускім, Магілёўскім і Бялыніцкім раёнамі, Магілёўскім дзяржаўным каледжам мастацтваў.

 СБ