Памочнік Прэзідэнта - інспектар па Магілёўскай вобласці Леанід Мартынюк, старшыня Магілёўскага райвыканкама Алег Чыкіда і генеральны дырэктар Магілёўскай асацыяцыі прамыслоўцаў і прадпрымальнікаў Віктар Красоўскі з працоўным візітам наведалі РУСВП «Магілёўскае дзяржплемпрадпрыемства».
Ферма па ўтрыманні і вырошчванні племянных коз у Магілёўскім раёне з'явілася ў 2021 годзе па дзяржпраграме «Аграрны бізнес», ініцыятарам якой выступілі «Белплемжыўаб'яднанне» і Міністэрства сельскай гаспадаркі і харчавання.
Леанід Мартынюк адзначыў, што такіх ферм у Беларусі пакуль няма, а таму ёсць неабходнасць прадаўжаць развіццё, шукаць новыя нішы, у тым ліку на спажывецкім рынку.
- У сельскай гаспадарцы, у жывёлагадоўлі, як і ў любой іншай сферы, заўсёды важна развіццё, - падкрэсліў Леанід Аляксеевіч. - Гэта рэнтабельная сфера, але толькі пры ўмове захавання ўсіх тэхналогій, племянной працы як на гэтай ферме. Тут мы бачым, што першапачатковая задача ў забеспячэнні племянным маладняком дала яшчэ адзін спадарожны напрамак - вытворчасць казінага малака. Гэтая ніша аказалася ў нас недастаткова напоўненай, таму зараз ёсць усе шанцы яе заняць.
Пры выкарыстанні матэрыялаў актыўная гіперспасылка на mogilev-region.gov.by абавязковая
05.05.2025 - 10:34
05.05.2025 - 09:49
25.04.2025 - 15:07
