Летняя падпрацоўка для падлеткаў: што прапануе рынак працы ў 2025 годзе?

Якія віды работ даступны для падлеткаў 14-16 гадоў і якая будзе мінімальная аплата, расказалі ў Міністэрстве працы і сацыяльнай абароны.

Падлеткі ва ўзросце 14-16 гадоў могуць працаваць у дыспетчарскіх службах і call-цэнтрах, выконваць найпростыя работы па зборцы і разборцы механізмаў, займацца расклейкай аб'яваў, дастаўляць ежу і тавары дамоў (пры наяўнасці веласіпеда), а таксама працаваць у фларыстыцы. Акрамя таго, маладыя работнікі маюць магчымасць уладкавацца ў сацыяльныя ўстановы, аказваючы дапамогу пажылым людзям у пансіянатах або працуючы ў тэрытарыяльных цэнтрах сацыяльнага абслугоўвання насельніцтва.

У ведамстве падкрэслілі, што падлеткі ад 14 да 16 гадоў могуць працаваць не больш за 23 гадзіны на тыдзень, падчас канікулаў - не больш за 4 гадзіны 36 хвілін у дзень. Падлеткам забаронены работы са шкоднымі рэчывамі, цяжкая фізічная праца, а таксама начныя змены і работа ў выхадныя дні.

За поўнасцю адпрацаваны месяц заплацяць не ніжэй за мінімальную заработную плату - Br726.

Выбраць прыдатную вакансію падлеткі могуць праз службу занятасці па месцы жыхарства, на партале gsz.gov.by або ў адукацыйных установах.

БЕЛТА