Лідары БРПА Магілёўскай вобласці адзначаны граматамі і дыпломамі на рэспубліканскім форуме ў «Зубронку»

Другі рэспубліканскі форум лідараў БРПА «Піянерскія інавацыі» адбыўся 8–10 верасня ў Нацыянальным дзіцячым адукацыйна-аздараўленчым цэнтры«Зубронак». Форум быў прысвечаны 30-годдзю Беларускай піянерскай арганізацыі. Ён аб’яднаў 150 чалавек–лідараў і актывістаў БРПА з усіх рэгіёнаў краіны, як расказала старшыня Магілёўскай абласной піянерскай арганізацыі Алена Малдаванава.

Трэнінгі на развіццё лідарскіх якасцей, спартыўныя спаборніцтвы, майстар-класы, песні пад гітару ля вогнішча, лекцыі ад топавых коўч-трэнераў краіны аб трэндавых методыках і тэхніках працы з дзецьмі і моладдзю–кожны дзень форуму праходзіў насычана.

Вынікам фэсту стала ўрачыстая цырымонія ўзнагароджання найлепшых педагогаў і старшыняў. Міністр адукацыі Ігар Карпенка ўручыў граматы найлепшым піянерважатым Магілёўскай вобласці: педагогу-арганізатару ДУА «Сярэдняя школа № 8 г. Магілёва» Кацярыне Селюковой і педагогу-арганізатару ДУА «Сярэдняя школа № 4 г. Асіповічы» Алесі Букач. Старшыня ЦС ГА «БРПА» Аляксандра Ганчарова ўзнагародзіла дыпломамі і падарункамі найлепшыя тэрытарыяльныя Саветы рэгіёна – Магілёўскі РС ГА «БРПА» (старшыня Ірына Сапожнікава) і Касцюковіцкі РС ГА «БРПА» (старшыня Святлана Краўцова).