Магілёўцаў запрашаюць да ўдзелу ў распрацоўцы эскізнага праекта пешаходнага моста праз р. Днепр у раёне парку «Падміколле». Пра гэта паведамілі ва ўпраўленні архітэктуры і горадабудаўніцтва гарвыканкама.
Падключыцца да справы могуць як прафесійныя архітэктары, дызайнеры і мастакі, так і тыя, хто займаецца дызайнам без спецыяльнай падрыхтоўкі. Прымаюцца калектыўныя і індывідуальныя прапановы.
Зыходныя даныя:
Месца знаходжання – у адпаведнасці з графічнымі матэрыяламі;
Прадугледзець даступнасць для фізічна аслабленых асоб;
Тып канструкцый – на меркаванне распрацоўшчыка.
Эскізныя рашэнні (у колеры) да 30 кастрычніка можна накіроўваць ва ўпраўленне архітэктуры і горадабудаўніцтва Магілёўскага гарвыканкама (вул. Першамайская, 28 А, каб. 319) на папяровым носьбіце ў фармаце А-3, а таксама ў электронным выглядзе (фармату pdf або jpeg) на электронную пошту uamgik1@rambler.ru з паметкай «Эскізнае вырашэнне пешаходнага моста».
Прапановы будуць разгледжаны на пасяджэнні горадабудаўнічага савета. Найлепшыя працы ўлічаць пры распрацоўцы асноўнай канцэпцыі пешаходнага моста.
Пры выкарыстанні матэрыялаў актыўная гіперспасылка на mogilev-region.gov.by абавязковая
29.08.2025 - 13:30
29.08.2025 - 10:24
Ісці ў адным напрамку: у Магілёве абмеркавалі ўмацаванне і развіццё партыі «Белая Русь»
29.08.2025 - 10:20
Міністр ЖКГ правёў Адзіны дзень інфармавання на Магілёўскім смеццеперапрацоўчым заводзе
29.08.2025 - 10:09
Свята для першаклашак: «Белая Русь» дапамагае сабрацца дзецям у школу