Магіляўчане і госці горада могуць паўдзельнічаць у дабрачыннай акцыі «У школу з Добрым Сэрцам»

Беларускі рэспубліканскі саюз моладзі запрашае магіляўчан і гасцей горада прыняць удзел у дабрачыннай акцыі «У школу з Добрым Сэрцам». Пра гэта паведамілі ў абласным камітэце грамадскага аб’яднання «БРСМ».

Мерапрыемства стартуе 1 жніўня і будзе праходзіць штодня з 15.00 да 18.00 у ААТ «Універмаг “Цэнтральны”».

Па словах арганізатараў, у магазіне патэнцыйных удзельнікаў дабрачыннай акцыі будуць сустракаць валанцёры БРСМ «Добрае Сэрца». Яны прапануюць наведвальнікам гандлёвага аб’екта далучыцца да праекта маладзёжнай арганізацыі, раскажуць аб адрасатах дабрачыннай акцыі – навучэнцаў дзяржаўнай установы адукацыі «Бялыніцкая дапаможная школа-інтэрнат».

Усе жадаючыя дапамагчы выхаванцам інтэрната змогуць да 26 жніўня накіраваць канцылярскія тавары і школьныя прыналежнасці ва ўсталяваную валанцёрамі «Скарбонку Добрых Сэрцаў».

Рэд.