Як беларускія плыўцы рыхтуюцца да будучай Алімпіяды, чаго чакаюць ад гульняў і каго лічаць галоўным сапернікам? Пра гэта і не толькі пагаварылі з Мікітам Цмыгам –майстрам спорту міжнароднага класа Рэспублікі Беларусь, сярэбраным прызёрам Еўрапейскіх гульняў 2015 года ў Баку, чэмпіёнам Беларусі па плаванні на дыстанцыях 50, 100 і 200 м на спіне.
– Ці ёсць асаблівасці ў трэніровак да алімпійскага сезона падчас пандэміі?
– У першую чаргу адбіваецца адмена міжнародных стартаў. З-за пандэміі спартсменаў не ўпускаюць і ў краіны, у якіх мы звычайна рыхтуемся да спаборніцтваў. Што тычыцца саміх трэніровак, прыкметных зменаў няма. Яны ідуць у штатным рэжыме.
– Наколькі важны псіхалагічны настрой падчас спаборніцтваў і трэніровак?
– Мабыць, ён вышэйшы за ўсё. Усё ў галаве! Калі пераконваць сябе, што можаш, то ў канчатковым выніку атрымаецца дасягнуць пастаўленых мэтаў. Трэба шмат і ўпарта трэніравацца, каб дамагчыся выніку, але мазгі –галоўнае ў падрыхтоўцы. Важны настрой таксама падчас трэніроўкі і ў перыяд спаборніцтваў, калі высокі ўзровень стрэсу.
– Каго лічыце сваім галоўным сапернікам?
− Толькі сябе і ўласны час на кожнай новай дыстанцыі. Не звяртаю ўвагі на ўдзельнікаў падчас заплыву. Няма розніцы, хто плыве побач. Для мяне галоўнае –перадужаць сябе і сваю стомленасць, паказаць найлепшы час і тэхніку.
– Чаго чакаеце ад Алімпійскага сезону?
– Добрага асабістага выніку. Хачу палепшыць свой рэкорд, паказаць уласны максімум. А яшчэ пазітыву і станоўчага вопыту ад міжнародных стартаў.
– Якія меры засцярогі выконваеце, каб не захварэць на каранавірус і трапіць на Алімпіяду?
– Носім маскі, стараемся радзей наведваць людныя месцы, асабліва ў апошнія месяцы. Таксама мы ўсе прышчапіліся ад кавіду.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23