Магілёўская спартсменка стала чэмпіёнкай Беларусі па скачках на батуце

У Віцебску завяршыўся чэмпіянат Беларусі па скачках на батуце. Удзел у ім прынялі каля 80 наймацнейшых спартсменаў краіны.

У агульнакамандным заліку батутысты Магілёўскай вобласці (выхаванцы Магілёўскай СДЮШАР «Багіма») занялі другое месца ўслед за спартсменамі Віцебскай і Гродзенскай абласцей.

На рахунку магіляўчан 1 залатая, 1 срэбраная і 2 бронзавыя ўзнагароды. Чэмпіёнкай Беларусі ў жаночых індывідуальных скачках стала Віялета Бардзілоўская, якая апярэдзіла дзвюх віцебскіх спартсменак. А ў сінхронных скачках Віялета Бардзілоўская разам з Кацярынай Яршовай (Віцебск) занялі другое месца. Магілёўскія батутысты таксама сталі трэцімі па выніках камандных спаборніцтваў у мужчын і жанчын.

Наступныя прадстаўнічыя спаборніцтвы па скачках на батуце пройдуць у Магілёве: у турніры на прызы Таццяны Пятрэні за ўзнагароды паспрачаюцца наймацнейшыя беларускія і расійскія спартсмены.

mogilevnews.by