RU BY EN 中文
Twitter Instagram

Магілёўская СШ № 19 святкуе 50-годдзе: 19 снежня тут закладуць капсулу часу і адкрыюць памятны знак

Магілёўская СШ № 19 адзначыць 50-годдзе 19 снежня. Пра гэта паведамілі ў адміністрацыі ўстановы адукацыі.

У 14.30 каля школы адбудзецца закладка капсулы часу «Пасланне нашчадкам у будучыню» і адкрыццё памятнага знака «50 гадоў сярэдняй школе № 19». А ў 15.00 у актавай зале пройдзе ўрачыстае мерапрыемства, прысвечанае юбілею. На мерапрыемства запрошаны ветэраны педагагічнай працы, выпускнікі школы.

Сёння ў СШ № 19 працуюць прадстаўнікі пяці педагагічных дынастый. За гісторыю існавання школы два педагогі ўзнагароджаны нагрудным знакам «Выдатнік народнай адукацыі», тры – граматамі Міністэрства адукацыі Беларусі. Прэміяй спецыяльнага фонду Прэзідэнта Рэспублікі Беларусь удастоены адзін педагог і яшчэ адзін – звання заслужаны настаўнік БССР.

Гісторыя школы, яе «залаты фонд» – гэта яе выпускнікі. За 50 гадоў сярэднюю школу скончыла больш за 2,4 тыс., з іх 53 навучэнцы – з залатым медалём.

Па слядах сваіх педагогаў пайшло 70 выпускнікоў – яны выбралі прафесію настаўніка. 17 з іх сёння працуе ў роднай школе.

Пры выкарыстанні матэрыялаў актыўная гіперспасылка на mogilev-region.gov.by абавязковая