Магілёўская вобласць далучыцца да патрыятычнага працоўнага праекта «Зімовы маршрут» 25 студзеня

Вось такое «Ззянне»

Па традыцыі ў канцы студзеня стартуе патрыятычны працоўны праект «Зімовы маршрут». Магілёўская вобласць далучыцца да яго 25 студзеня. Па маршруце, які праходзіць праз восем населеных пунктаў Бялыніцкага і Круглянскага раёнаў, пройдзе студэнцкі атрад «Ззянне», які аб'яднае 20 хлопчыкаў і дзяўчынак з БРУ, БДУТа, МДУ імя А. А. Куляшова і Бабруйскага медыцынскага каледжа.

Камандзір Магілёўскага абласнога штаба студэнцкіх атрадаў БРСМ Алег Бойка раскрывае падрабязнасці:

- Наведаем установы адукацыі, дзе правядзем займальныя заняткі для юных вяскоўцаў. Для малодшых падрыхтавалі майстар-класы па дэкаратыўна-прыкладной творчасці на патрыятычную тэматыку. Старэйшым школьнікам раскажам аб здаровым ладзе жыцця, рабоце студэнцкіх атрадаў, атамнай энергетыцы. Знойдзецца месца і фізічным актыўнасцям: згуляем з дзецьмі ў валейбол, футбол ці арганізуем для іх спартландыю. Акажам шэфскую дапамогу сацыяльным катэгорыям: ад уборкі па хаце да колкі дроў. Не застануцца без увагі мемарыяльныя комплексы і брацкія магілы, дзе таксама навядзем парадак.

Завяршальны акорд у кожным населеным пункце - канцэрт, на які запросяць усіх жадаючых, уваход вольны.

СБ