Магілёўская вобласць - пераможца рэспубліканскага агляду-конкурсу, які праводзіцца ў рамках выставы «Белагра-2025»

З 4 па 6 чэрвеня на базе БДАТУ у рамках Міжнароднай спецыялізаванай выстаўкі «Белагра-2025» праходзіў 19-ы Рэспубліканскі агляд-конкурс «Лепшы араты». У спаборніцтвах удзельнічалі 23 каманды ад устаноў адукацыі і 6 каманд ад абласцей, якія дэманстравалі свае веды ў тэорыі і майстэрства на практыцы.

Асноўныя выпрабаванні – «Майстэрства кіравання трактарам» і «Узворванне ўчастка» - прайшлі на палях МРУП «Агракамбінат «Ждановічы».

У асабістым першынстве сярод навучэнцаў устаноў адукацыі «Лепшым аратым» стаў Даніла Мароз са Смілавіцкага дзяржаўнага каледжа.

У камандным першынстве сярод устаноў адукацыі першае месца таксама заняў Даніла Мароз і Вадзім Сасноўскі.

У камандным першынстве сярод трактарыстаў-машыністаў сельскагаспадарчай вытворчасці сярод абласцей пераможцамі стала Магілёўская вобласць.

У асабістым першынстве сярод трактарыстаў-машыністаў сельскагаспадарчай вытворчасці лепшым стаў Дзмітрый Даўгацелес з Гомельскай вобласці.

Магілёўскую вобласць дастойна прадставілі работнікі ААТ «Кіраўскі райаграпрамтэхзаб»: Сяргей Чудапал, які заняў 3-е месца ў індывідуальным заліку, і Андрэй Урбель, які ўнёс важкі ўклад у перамогу каманды.

Татьяна Седунова, СБ