Магілёўскі БДУТ на ўмовах мэтавай падрыхтоўкі плануе залічыць амаль сто чалавек

Беларускі дзяржаўны ўніверсітэт харчовых і хімічных тэхналогій на ўмовах мэтавай падрыхтоўкі плануе залічыць сёлета амаль сто чалавек па васьмі спецыяльнасцях і прафілізацыях, расказалі ва ўстанове вышэйшай адукацыі.

«Універсітэт рыхтуе спецыялістаў для харчовай перапрацоўчай і хімічнай прамысловасцей краіны, і нашы выпускнікі больш чым запатрабаваны на прадпрыемствах галіны, - падкрэслілі ў ВНУ. - Гэта пацвярджае той факт, што па некаторых спецыяльнасцях колькасць заявак на маладых спецыялістаў у разы перавышае колькасць выпускнікоў. Менавіта таму магчымасць паступіць па дамове мэтавай падрыхтоўкі - вельмі перспектыўная, тым больш у ліку працадаўцаў выступаюць вядучыя прадпрыемствы краіны».

Тыя, хто паступае на ўмовах мэтавай падрыхтоўкі, вусна здаюць унутраны ўступны экзамен па пэўным навучальным прадмеце або праходзяць сумоўе, калі гэта выпускнікі класаў аграрнай накіраванасці, якія паступаюць на спецыяльнасці «вытворчасць прадуктаў харчавання з расліннай сыравіны» і «вытворчасць прадуктаў харчавання з жывёльнай сыравіны». Прыём такіх абітурыентаў праходзіць па асобным конкурсе.

БЕЛТА