Да 4 жніўня можна даслаць работы на трэці конкурс Магілёўскага фестывалю аматарскіх кароткаметражных фільмаў «Словы». Пра гэта паведамілі ў Цэнтры гарадскіх ініцыятыў.
Для ўдзелу ў творчым спаборніцтве трэба стварыць з дапамогай любой наяўнай тэхнікі кароткае відэа (да пяці хвілін), загрузіць яго на Youtube, даслаць спасылку і кароткую інфармацыю пра фільм і сябе на адрас cgimogilev@gmail.com.
«У мінулых сезонах у лік фіналістаў патрапілі розныя па жанрах працы. Сярод іх артхаусныя кароткаметражкі, анімацыя, дакументальныя сюжэты пра гісторыю горада, свайго роду паэтычны кліп, – адзначылі суразмоўцы. – Пры гэтым усе яны ўдзельнічалі ў конкурсе на роўных, што дадало складанасці ў працы членам журы, але ў той жа час было вельмі цікава. Спадзяёмся, і гэтым разам нашы аўтары пацешаць займальнымі сюжэтамі, незвычайнымі хадамі і рашэннямі».
Фінальны прагляд найлепшых работ і цырымонію ўзнагароджання іх аўтараў плануецца правесці, як і летась, у фармаце «кінатэатра пад адкрытым небам». Галоўны пераможца таксама атрымае сучасную экшн-камеру для працягу творчых эксперыментаў.
Даведацца падрабязнасці аб праекце і сачыць за яго ходам можна на сайце slovy.urbanistic.by. Творчыя або тэхнічныя пытанні прымаюцца па адрасе cgimogilev@gmail.com.
Пры выкарыстанні матэрыялаў актыўная гіперспасылка на mogilev-region.gov.by абавязковая
26.09.2025 - 16:42
26.09.2025 - 14:30
Фестываль анімацыі ў Магілёве. AI-анімацыі і новыя ўдзельнікі з усяго свету (відэа)
26.09.2025 - 09:39
«Анімаёўка-2025»: сустрэча з рэжысёрам-аніматарам Рымам Шарафутдзінавым прайшла ў Магілёве
26.09.2025 - 09:15
25.09.2025 - 19:32