Пяты Магілёўскі фестываль навукі збярэ маладых навукоўцаў 20-22 лютага ў беларуска-расійскім універсітэце. Пра гэта паведамілі ў ВНУ.
Форум стаў значным грамадскім мерапрыемствам у жыцці абласнога цэнтра, які традыцыйна збірае гасцей з розных краін. Гэта навучэнцы старэйшых класаў школ, ліцэяў, каледжаў, студэнты, магістранты, аспіранты, выкладчыкі сярэдніх і вышэйшых навучальных устаноў, якія прымаюць удзел у любых формах навукова-тэхнічнай творчасці моладзі.
Падчас мерапрыемства маладыя навукоўцы прадэманструюць свае праекты і распрацоўкі, прымуць удзел у алімпіядах, конкурсах і круглых сталах, адкрытых лекцыях-дыспутах, прысвечаных праблемам і дасягненням сучаснай навукі і тэхналогій.
«Форум дапамагае стымуляваць цікавасць школьнікаў і студэнтаў да навукі, а таксама спрыяе прафесійнай арыентацыі, – адзначылі суразмоўцы. – Акрамя таго, мерапрыемства дазваляе павысіць імідж навуковай і навукова-педагагічнай дзейнасці, папулярызаваць сярод моладзі сучасныя навуковыя веды і дасягненні ў галіне тэхнікі і інфармацыйных тэхналогій».
Дарэчы, Беларуска-Расійскі ўніверсітэт нездарма стаў базай правядзення Магілёўскага фестывалю навукі: з’яўляючыся буйным рэгіянальным навукова-адукацыйным цэнтрам, установа бярэ арыентацыю на практычнае прымяненне ўсіх праектаў і распрацовак, створаных у яго сценах. Маючы адбыцца форум з’яўляецца для ўніверсітэта своеасаблівым Днём адчыненых дзвярэй: ВНУ наглядна дэманструе свае дасягненні і напрамкі дзейнасці.
Заснавальнікамі фестывалю выступаюць Магілёўскі гарадскі выканаўчы камітэт і ДУ ВАА «Беларуска-Расійскі ўніверсітэт».
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці