Магілёўскі мясакамбінат мае значныя рэзервы для павышэння эфектыўнасці экспартных паставак за кошт нарошчвання аб’ёмаў рэалізацыі прадукцыі з глыбокай перапрацоўкай. Такое меркаванне выказаў старшыня Камітэта дзяржаўнага кантролю Магілёўскай вобласці Алег Садоўскі пры наведванні ААТ «Магілёўскі мясакамбінат».
Падчас наведвання Алег Садоўскі азнаёміўся працай аднаго з найбуйнейшых прадпрыемстваў аграпрамысловага комплексу Магілёўскай вобласці. Дырэктар мясакамбіната Сяргей Любянкоў расказаў аб праведзенай працы, адзначыў дасягнуты прагрэс у развіцці жывёлагадоўлі ў сельгаспрадраздзяленнях мясакамбіната. «Гэта і паспяховы вопыт адкорму ў сельгасарганізацыях рэгіёнабуйной рагатай жывёлы, якая належыць мясакамбінату, павышэнне эфектыўнасці вытворчасці птушкі і яйка на далучаным да камбіната прадпрыемстве «Ялец» Магілёўскага раёна, выхад на рэнтабельную працу новага свінакомплексу ў Слаўгарадскім раёне», – сказаў дырэктар прадпрыемства.
Асноўным замежным партнёрам для Магілёўскага мясакамбіната стала Кітайская Народная Рэспубліка. Пры гэтым прадпрыемства не страціла пазіцыі і на рынку Расійскай Федэрацыі. У гэтыя дзве краіны экспартуецца каля 80% прадукцыі мясакамбіната.
«Нягледзячы на дасягнутыя вынікі, застаецца пытанне няпоўнай загрузкі мясакамбіната, якое не вырашана да канца. Маюцца значныя рэзервы павышэння эфектыўнасці экспартных паставак за кошт нарошчвання аб’ёмаў рэалізацыі прадукцыі з глыбокай перапрацоўкай– каўбас, вэнджаніны і г.д.», – адзначыў Алег Садоўскі.
Па выніках наведвання мясакамбіната Магілёўскаму аблвыканкаму рыхтуюць прапановы па павышэнні эфектыўнасці працы падведамнага яму ААТ «Магілёўскі мясакамбінат».
Пры выкарыстанні матэрыялаў актыўная гіперспасылка на mogilev-region.gov.by абавязковая
26.09.2025 - 14:55
Вялікія сельгаскірмашы запланаваны ў Магілёве 11-12 і 18-19 кастрычніка
16.09.2025 - 09:29
Сезон восеньскіх сельскагаспадарчых кірмашоў стартуе ў Магілёве і Бабруйску 27 верасня
15.09.2025 - 11:43
Прадстаўнікі кампаніі «Эмі Інтэрнэшнл» азнаёміліся з інвестыцыйным патэнцыялам СЭЗ «Магілёў»
11.09.2025 - 17:57
09.09.2025 - 12:54
Кітайскі рэстаран у Магілёве: сімвал дружбы і супрацоўніцтва
08.09.2025 - 09:18
У Беларусі распрацаваны законапраект аб лічбавым беларускім рублі