Магілёўскі спартсмен стаў сярэбраным прызёрам чэмпіянату Еўропы па сучасным пяцібор’і

У Ніжнім Ноўгарадзе (Расія) праходзіць чэмпіянат Еўропы па сучасным пяцібор’і. У турніры ўдзельнічае 120 спартсменаў з 16 краін.

На рахунку зборнай Беларусі залаты медаль у жаночай эстафеце і сярэбраны – у мужчынскай. У складзе беларускага дуэта ў мужчынскай эстафеце сярэбраным прызёрам ЧЕ стаў магілёвец Ілья Палазкоў. Перамаглі ў эстафеце італьянскія пяціборцы, на трэцім месцы расіяне.

А ў Берне (Швейцарыя) завяршылася першынство Еўропы сярод юніёраў па сучасным пяцібор’і. Зборная Беларусі заваявала 1 залатую, 1 сярэбраную і 1 бронзавую ўзнагароды. Бронзавым прызёрам стала каманда дзяўчат, у складзе якой былі магілёўскія спартсменкі Кацярына Эціна і Анастасія Малашанока.

mogilevnews.by