Магілёўскія спартсмены занялі другое месца ў агульнакамандным заліку на Кубку Беларусі па скачках на батуце

У Віцебску прайшоў Кубак Беларусі па скачках на батуце, у якім прынялі ўдзел наймацнейшыя спартсмены краіны.

Прадстаўнікі Магілёўскай вобласці заваявалі адзін залаты, 3 сярэбраныя, 2 бронзавыя ўзнагароды і занялі другое месца ў агульнакамандным заліку. Пераможцамі турніру сталі Таццяна Пятрэня і Віялета Бардзілоўская ў сінхронных скачках сярод жанчын. Сярэбраныя медалі выйгралі квартэт у складзе Таццяны Пятрэні, Віялеты Бардзілоўскай, Арыны Шаўбаковай і Крысціны Акулавай у камандных спаборніцтвах сярод жанчын, Віялета Бардзілоўская (індывідуальныя скачкі сярод жанчын) і Арына Шаўбакова (індывідуальныя скачкі сярод дзяўчат). Бронзавыя ўзнагароды на рахунку Бажэна Сіліна і Арцёма Лухтанава (сінхронныя скачкі сярод мужчын), а таксама Данііла Міхнаўца (індывідуальныя скачкі сярод юнакоў).

Пераможцамі турніру ў агульнакамандным заліку сталі спартсмены Віцебскай вобласці, на трэцім месцы гамяльчане.

mogilevnews.by