Магілёўскія спартсмены заваявалі ўзнагароды на міжнародных спаборніцтвах па стральбе з лука

У горадзе Арол (Расія) прайшлі міжнародныя спаборніцтвы па стральбе з лука «Руская зіма 2023». Турнір сабраў больш за 440 спартсменаў з 41 расійскага рэгіёну і Беларусі.

На рахунку беларускай зборнай 1 сярэбраная і 2 бронзавыя ўзнагароды. У мужчынскім турніры па стральбе з класічнага лука сярэбраны медаль заваяваў магіляўчанін Аляксандр Яфрэмаў, які ўступіў толькі спартсмену з Бураціі Баіру Цыбекдоржыеву.

У камандных турнірах мужчынская зборная Беларусі ў складзе Антона Кароўкіна, Кірыла Фірсава (Магілёў), Антона Цярэты (Брэст) і жаночая зборная (Карына Дзямінская, Надзея Швец (Магілёў), Ніна Собаль (Мінск)) заваявалі бронзавыя ўзнагароды, прапусціўшы наперад лучнікаў з Бураціі і Забайкальскага краю Расіі.

mogilevnews.by