Маладзёжны марафон «75» прыбудзе ў Магілёў 18 чэрвеня

Маладзёжны марафон «75», прысвечаны 75-й гадавіне вызвалення Беларусі ад нямецка-фашысцкіх захопнікаў і Перамогі савецкага народа ў Вялікай Айчыннай вайне адправіўся па месцах баявой славы Беларусі. Пра гэта паведамілі ў абкаме Беларускага рэспубліканскага саюза моладзі.

Удзельнікі марафона – актывісты БРСМ, прафсаюзны актыў, маладыя навукоўцы, спартсмены, дзеячы культуры, прадстаўнікі Узброеных Сіл, органаў і падраздзяленняў унутраных спраў, аддзелаў па надзвычайных сітуацыях, ветэраны Вялікай Айчыннай вайны, славутыя жыхары рэгіёнаў – праедуць дарогамі вызвалення Беларусі па маршруце: Мінск – Баранавічы – Брэст – Пружаны – Гродна – Ліда – Астравец – Маладзечна – Мінск – Жодзіна – Бягомль – Віцебск – Магілёў – Гомель – Мінская вобласць (Курган Славы) – Мінск.

У Магілёў марафон «75» прыбудзе 18 чэрвеня. Удзельнікі патрыятычнага праекта калонай рэтра-аўтамабіляў і байкераў пройдуць да мемарыяльнага комплексу «Буйніцкае поле». Тут у 10.00 адбудзецца мітынг з ускладаннем вянка і кветак, а таксама перадача палотнішча «Беларусь памятае!» З вышытымі імёнамі герояў Савецкага Саюза і поўных кавалераў ордэна Славы, удзельнікаў Вялікай Айчыннай вайны - з усіх раёнаў Магілёўскай вобласці. Палотнішча памерам 4,5х2,15 м змясціла 124 прозвішчы слаўных ураджэнцаў рэгіёна. Падчас мітынгу яго пранясуць байцы студатрадаўскага руху Прыдняпроўскага краю. Пасля палотнішча будзе перададзена ў абласны краязнаўчы музей. На Буйніцкім полі будзе таксама працаваць мабільная экспазіцыя «Вызваленне Беларусі».

У 11.00 у кінатэатры «Радзіма» пачнецца адкрыты дыялог «Беларусь памятае!». Падчас мерапрыемства, акрамя абмеркавання актуальных праблем, запланавана перадача матэрыялаў для стварэння альбома «Беларусь памятае. Родныя твары Перамогі». «На яго старонках будзе прадстаўлена моладзь, іх дзяды і прадзеды з пакалення пераможцаў. На 75 старонках размесцяцца фатаграфіі герояў», – адзначылі суразмоўцы.

Працягне марафон опэн-эйр «Кветкі Вялікай Перамогі». На плошчы Зорак будуць працаваць тэматычныя і інтэрактыўныя пляцоўкі, фотазоны, арганізуюць творчую праграму з выступленнем калектываў і выканаўцаў, пройдзе акцыя «Ліст Вызваліцелю» і інш. Таксама тут размесціцца экспазіцыя «Вызваленне Беларусі».

Арганізатарамі маладзёжнага марафону «75» выступаюць Беларускі рэспубліканскі саюз моладзі, Федэрацыя прафсаюзаў, Беларускі дзяржаўны музей гісторыі Вялікай Айчыннай вайны пры падтрымцы Беларускай чыгункі і іншых зацікаўленых. Мэтай праекта з’яўляецца фарміраванне патрыятычных каштоўнасцей моладзі і захаванне пераемнасці пакаленняў.

Праграма маладзёжнага марафона «75» у Магілёве