Міжнародны арт-праект «Магілёў вачыма гасцей» стартаваў у абласным цэнтры. Пра гэта паведамілі ў музеі гісторыі Магілёва.
Удзельнікамі праекта сталі мастакі з васьмі краін свету: Шухрат Абдумалікаў, Марыяна Абрамава, Хасмік Авецісян, Алі Амр, Аксана Еўдакіменка, Юлія Жукава, Святлана Інач, Ева Карука, Рамазан Усеінаў, якія прадстаўляюць Арменію, Беларусь, Іарданію, Латвію, Расію, Турцыю, Узбекістан і Украіну. Працаваць у абласным цэнтры майстры пэндзля будуць амаль два тыдні. За гэты час госці выканаюць па некалькі мастацкіх работ, якія застануцца ў фондах музея.
Урачыстая цырымонія адкрыцця арт-праекта адбудзецца сёння ў 16.00 у ратушы, а 7 чэрвеня ў 16.00 у выставачнай зале музея гісторыі Магілёва будзе прадстаўлена экспазіцыя па выніках мерапрыемства.
Арт-праект «Магілёў вачыма гасцей» праводзіцца ўжо трэцім разам. У 2017 годзе ён сабраў удзельнікаў з дзевяці краін свету: Азербайджана, Беларусі, Індыі, Кітая, Літвы, Македоніі, Расіі, Узбекістана і Украіны. У 2018 годзе ў праекце былі задзейнічаны беларускія мастакі з Магілёва, Мінска, Віцебска і Брэста.
Пры выкарыстанні матэрыялаў актыўная гіперспасылка на mogilev-region.gov.by абавязковая
28.03.2024 - 12:14
Пераможцам тэатральнага фестывалю «M.@rt.кантакт» стаў спектакль «Жаніцьба. Фантасмагорыя»
27.03.2024 - 13:22
Больш за 2 тыс. удзельнікаў паспаборнічаюць у конкурсе вакальна-харавога мастацтва ў Магілёве
26.03.2024 - 16:15
Алена Барзова прадставіла магілёўскай публіцы свой монаспектакль