Медыка-асветная акцыя «Ранняе выяўленне псарыятычнага артрыту ў групе рызыкі» праходзіць у Магілёўскай вобласці

Медыка-асветная акцыя «Ранняе выяўленне псарыятычнага артрыту ў групе рызыкі» праходзіць у Магілёўскай вобласці. Пра гэта карэспандэнту сайта паведаміла галоўны пазаштатны рэўматолаг упраўлення аховы здароўя Магілёўскага аблвыканкама Ірына Белая.

Да 28 лістапада будзе арганізаваны агляд хворых псарыязам, іх сваякоў. Пры неабходнасці урачы прызначаць лабараторную дыягностыку (агульны аналіз крыві, СРБ, рэнтген). Пры падазрэнні на пачатак развіцця захворвання пацыентаў накіруюць на кансультацыю да рэўматолага.

У акцыі ўдзельнічаюць усе цэнтральныя раённыя бальніцы вобласці, паліклініка №6 Бабруйска, паліклініка №8 Магілёва і Магілёўская абласная бальніца. Жадаючыя атрымаць кансультацыю могуць звяртацца ў рэгістратуру або стол даведак названых медыцынскіх устаноў.

Псарыятычны артрыт – гэта хранічнае паражэнне суставаў, якое развіваецца на фоне псарыязу (сістэмнае захворванне, якое закранае пераважна скурныя пакровы, але можа закранаць храстковую і касцяную тканіну суставаў, якая правакуе развіццё артрыту). Сімптаматыка гэтага запаленчага захворвання шмат у чым падобна з праявай рэўматоіднага артрыту. Статыстыкай адзначана, што хвароба развіваецца ў кожнага трэцяга хворага псарыязам, як у мужчын, так і ў жанчын ва ўзросце ад 20 да 50 гадоў.