Міністрам архітэктуры і будаўніцтва прызначаны Руслан Пархамовіч

Міністрам архітэктуры і будаўніцтва прызначаны Руслан Пархамовіч. Адпаведнае кадравае рашэнне прыняў сёння Прэзідэнт Беларусі Аляксандр Лукашэнка.

З сакавіка 2018 года Руслан Пархамовіч працаваў намеснікам старшыні Магілёўскага абласнога выканаўчага камітэта. Курыраваў напрамкі: будаўнічы комплекс, архітэктура і горадабудаўніцтва, жыллёвая палітыка, жыллёвая і камунальная гаспадарка, надзвычайныя сітуацыі, сувязь, транспарт і камунікацыі, збор, перапрацоўка лому і адходаў чорных і каляровых металаў.  

Нарадзіўся ў 1980 годзе ў Магілёве. У 2002-м скончыў Магілёўскі дзяржаўны тэхнічны ўніверсітэт па спецыяльнасці прамысловае і грамадзянскае будаўніцтва, бухгалтарскі ўлік, аналіз і аўдыт, у 2011 годзе – Акадэмію кіравання пры Прэзідэнце Рэспублікі Беларусь па спецыяльнасці дзяржаўнае і мясцовае кіраванне. Да прызначэння на пасаду намесніка старшыні аблвыканкама працаваў дырэктарам ААТ «Магілёўскі домабудаўнічы камбінат».

Сёння кіраўнік дзяржавы прыняў яшчэ шэраг кадравых рашэнняў. У прыватнасці:

Андрэй Хмель прызначаны міністрам жыллёва-камунальнай гаспадаркі;

Юрый Селіверстаў– міністрам фінансаў Беларусі;

Пётр Пархомчык–міністрам прамысловасці Беларусі;

Ігар Луцкі–міністрам інфармацыі Беларусі;

Дзмітрый Пантус–старшынёй Дзяржаўнага ваенна-прамысловага камітэта Беларусі;

Дзмітрый Матусевіч узначаліць Дзяржаўны камітэт па маёмасці;

Іван Церцель–Камітэт дзяржаўнага кантролю.

Фотаздымак - mogilevnews.by