RU BY EN 中文
Twitter Instagram

Мінсувязі выпусціць канверт з арыгінальнай маркай «Дзень беларускага пісьменства ў Бялынічах»

Міністэрства сувязі і інфарматызацыі Беларусі 20 жніўня выпускае ў абарот канверт з арыгінальнай маркай «Дзень беларускага пісьменства ў Бялынічах», паведамілі ў Мінсувязі.

Наклад складзе 20 тыс. Мастак маркі, канверта і спецштэмпеля – Таццяна Дольская. Дызайн Марыны Юрчык. Праект падрыхтаваны ў супрацоўніцтве з Магілёўскім абласным выканаўчым камітэтам.

Спецыяльнае памятнае гашэнне будзе праходзіць 6 верасня ў аддзяленні паштовай сувязі № 1 Бялынічаў Магілёўскай вобласці.

Дзень беларускага пісьменства праводзіцца штогод у першую нядзелю верасня. Сёлета святочныя мерапрыемствы пройдуць у Бялынічах. Сталіцамі свята раней станавіліся такія гістарычна значныя культурныя цэнтры краіны, як Полацк, Тураў, Навагрудак, Нясвіж, Орша, Пінск, Заслаўе, Мсціслаў, Мір, Камянец, Паставы, Шклоў, Барысаў, Смаргонь, Хойнікі, Ганцавічы, Глыбокае, Быхаў, Шчучын, Рагачоў, Іванава, Слонім.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая