Міжнародны маладзёжны ваенна-патрыятычны праект «Дарогамі Памяці і Славы» стартуе 22 чэрвеня

Міжнародны маладзёжны патрыятычны праект «Дарогамі Памяці і Славы» стартуе ў суботу, 22 чэрвеня. Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».

Як адзначылі суразмоўцы, «Дарогамі Памяці і Славы» трэці год запар праводзіцца падчас абласной патрыятычнай акцыі «Звон смутку», прысвечанай Дню ўсенароднай памяці ахвяр Вялікай Айчыннай вайны і генацыду беларускага народа. Абодва мерапрыемствы пачынаюцца ў 4 гадзіны раніцы на мемарыяльным комплексе «Буйніцкае поле».

У гэтым годзе ўдзельнікамі праекта стануць 80 чалавек з Магілёўскай, Смаленскай, Тульскай, Омскай, Калінінградскай, Бранскай, Курскай, Ленінградскай, Маскоўскай, Астраханскай, Мардоўскай абласцей і Хабараўскага краю.

«На працягу двух тыдняў па ўсіх рэгіёнах Магілёўскай вобласці і дзвюх абласцях Расійскай Федэрацыі будуць курсіраваць два тэматычныя аўтобусы прысвечаныя васьмідзесяцігоддзю вызвалення Беларусі ад нямецка-фашысцкіх захопнікаў і развіццю моладзевага руху ад камсамола да нашых дзён, - адзначылі суразмоўцы. - У кожным пункце маршруту пройдуць сустрэчы ўдзельнікаў патрыятычнымі аўтапрабегамі, «працоўныя дэсанты», адкрытыя дыялогі з удзелам моладзі ўсіх грамадскіх аб'яднанняў, прадстаўнікоў спорту, культуры, навукі, палітыкі, ускладання да памятных месцаў, флэшмобы, экскурсіі па прадпрыемствах і арганізацыях вобласці, канцэртныя праграмы».

У гэтым годзе падчас праекта будзе рэалізавана акцыя «Палатно памяці». Яна будзе прадстаўляць партрэты ўдзельнікаў Вялікай Айчыннай вайны, якія цяпер жывуць, з якімі хлопцы будуць сустракацца падчас праекта. Дапоўняць палатно словы на дарогу моладзі ад старэйшага пакалення.

Міжнародны маладзёжны ваенна-патрыятычны праект «Дарогамі Памяці і Славы» пройдзе па маршруце:

Магілёў - Бялынічы - Круглае - Шклоў - Горкі - Мсціслаў - Чавусы - Крычаў - Клімавічы Смаленск - Бранск - Бабруйск - Асіповічы - Кіраўск - Магілёў.

Завяршальным пунктам маршруту стане ўдзел у святочных мерапрыемствах, прысвечаных 80-годдзю вызвалення Рэспублікі Беларусь ад нямецка-фашысцкіх захопнікаў. А таксама ўдзел у рэспубліканскай акцыі «Праспяваем гімн разам».

Ініцыятарам праекта выступае Магілёўскі абласны камітэт ГА «БРСМ» пры асабістай падтрымцы старшыні Магілёўскага аблвыканкама Анатоля Ісачанкі.

Галіна Гаўрыловіч, фота аўтара з архіву