МНС і АСВОД працягваюць рэйды па вадаёмах Магілёва

Супрацоўнікі МНС і АСВОД працягваюць рэйды па вадаёмах Магілёва для папярэджання няшчасных выпадкаў. Пра гэта паведамілі ў Магілёўскім абласным упраўленні МНС.

Як расказалі спецыялісты, з-за гарачага надвор’я на вадаёмах шматлюдна. Для папярэджання няшчасных выпадкаў на вадзе і навучання насельніцтва правілам бяспекі жыццядзейнасці работнікі Магілёўскага гарадскога аддзела па надзвычайных сітуацыях сумесна з прадстаўнікамі АСВОД і праваахоўнымі органамі правялі прафілактычныя мерапрыемствы ў месцах адпачынку людзей ля вады.

Адпачывальнікам патлумачылі асноўныя правілы бяспечных паводзін на вадзе, алгарытм аказання дапамогі пацярпелым і ўручылі тэматычную наглядна-выяўленчую прадукцыю. Прысутных заклікалі ўстрымацца ад купання ў стане алкагольнага ап’янення і пільна сачыць за дзецьмі падчас адпачынку.

Як адзначылі ў абласным упраўленні МНС, такія рэйды будуць праводзіцца ў рэгіёне да канца купальнага сезона на рэгулярнай аснове.

БЕЛТА