МНС Магілёўскай вобласці запусціў чэлендж «30 дзён бяспекі»

МНС Магілёўскай вобласці запусціў чэлендж «30 дзён бяспекі». Пра гэта паведамілі ў ведамстве.

«Кажуць, што звычка фарміруецца на працягу 21 дня. Мы прапануем бацькам і дзецям разам выпрацаваць новую мадэль паводзін – жыць бяспечна, – адзначылі суразмоўцы. – Для гэтага неабходна кожны дзень выконваць заданні нашага новага чэленджа “30 дзён бяспекі”».

Што трэба зрабіць?

Вывучыць нумары тэлефонаў ратавальнікаў, прывесці свой дом у бяспечны стан, у гульні навучыць дзіця правілам бяспекі, і, вядома ж, пасябраваць з героямі мультсерыяла «Чароўная кніга» – гэта і многае іншае вас чакае на працягу гэтага займальнага падарожжа ў свет бяспекі даўжынёю ў месяц!

Для гэтага:

захавайце каляндар МНС (для бацькоў і дзяцей);

размясціце на бачным месцы, напрыклад, на халадзільніку;

выконвайце штодня заданні чэленджа разам з дзіцем;

правядзіце гэты месяц цікава і бяспечна!

І не забывайце дзяліцца сваімі дасягненнямі ў сацыяльных сетках з хэштэгамі #30days_safety_challenge #30дней_безопасности