Моладзь Магілёўскай вобласці прыме ўдзел у адборачным туры Конкурсу выканаўцаў маладзёжнай песні для ўдзелу ў XVI фестывалі «Моладзь - за Саюзную дзяржаву». Пра гэта паведамілі ў Магілёўскім абласным камітэце грамадскага аб'яднання «Беларускі рэспубліканскі саюз моладзі».
Як расказала загадчыца аддзела праграмнай і арганізацыйна-кадравай работы абласнога камітэта ГА «БРСМ» Анастасія Краўцова, Прыдняпроўскі край прадставяць 5 канкурсантаў: Вадзім Карпіцкі, Эльвіра Задзярэй, Валерыя Вахціна, Валерыя Заяц і Юлія Ісаева.
Адборачны тур адбудзецца 31 ліпеня ў 12.00 у Маладзёжным тэатры эстрады па адрасе г. Мінск, вул. Маскоўская, 18а.
Кожны ўдзельнік прапануе дзве песні, адна з якіх павінна раскрываць тэмы любові да Радзімы, роднага краю, подзвігу народа, а другая – адлюстроўваць сучасныя маладзёжныя тэндэнцыі. Песні выконваюцца на рускай ці беларускай мовах, у якасці выключэння дазваляецца выкананне адной з песень на нацыянальнай мове выканаўцы. Па ўмовах конкурсу ўсе выступленні праходзяць пад фанаграму «мінус адзін», якая можа ўключаць у сябе бэк-вакал або ў «жывым» суправаджэнні не больш за 5 выканаўцаў (гітара, фартэпіяна, скрыпка і г.д.). Парадак выступлення ўдзельнікаў адборачнага тура будзе вызначацца лёсаваннем у дзень правядзення.
Ацэньваць вакальныя даныя і выканальніцкае майстэрства ўдзельнікаў трэба прафесійнаму журы, члены якога вызначаць склад удзельнікаў на Конкурс выканаўцаў маладзёжнай песні XVI фестывалю «Моладзь – за Саюзную дзяржаву».
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці