Моладзь Магілёўскай вобласці прыме ўдзел у 45-м міжнародным чэмпіянаце прафесійнага майстэрства WorldSkills Kazan 2019. Пра гэта паведамілі ў вучэбна-метадычным цэнтры прафесійнай адукацыі Магілёўскага дзяржаўнага абласнога інстытута развіцця адукацыі.
Першынство гэтага года пройдзе ў Казані (Расія) з 22 па 27 жніўня. У ім возьме ўдзел больш за 1,5 тыс. канкурсантаў з 63 краін свету. Беларусь будзе прадстаўляць 40 чалавек. У склад нацыянальнай каманды ўвайшло 5 удзельнікаў і 5 экспертаў з Магілёўскай вобласці.
У кампетэнцыі «Кандытарскае мастацтва» выступіць навучэнка Магілёўскага дзяржаўнага тэхналагічнага каледжа Анастасія Данілава (эксперт Таццяна Кабанькова). У катэгорыі «Квантавыя тэхналогіі» сваё майстэрства прадэманструе прадстаўнік Магілёўскага дзяржаўнага эканамічнага прафесійна-тэхнічнага каледжа Данат Чарнякоў (эксперт Марыя Сцефаненка). У трох кампетэнцыях гонар Прыдняпроўскага краю будуць абараняць студэнты Магілёўскага дзяржаўнага ўніверсітэта харчавання. Пётр Ануфрыенка заяўлены на «Кулінарнае мастацтва» (эксперт Вольга Мацыкава), Дар’я Ерафеенка – «Рэстаранны сэрвіс» (эксперт Таццяна Рыбакова), а Таццяна Прахарэнка – «Хлебапякарства» (эксперт Раіса Кандраценка).
«Усе ўдзельнікі напярэдадні міжнароднага конкурсу прайшлі сур’ёзную падрыхтоўку, – адзначылі суразмоўцы. – Жадаем прадстаўнікам Магілёўскай вобласці годна выступіць і ўнесці важкі ўклад у медальную скарбонку нацыянальнай каманды».
WorldSkills International – міжнародны некамерцыйны рух, мэтай якога з’яўляецца павышэнне прэстыжу прафесійнай адукацыі і стандартаў прафесійнай падрыхтоўкі, прыцягненне моладзі ў вытворчы сектар эканомікі, папулярызацыя рабочых прафесій і спецыяльнасцей. Удзельнікі – маладыя людзі да 22 гадоў (па некаторых кампетэнцыях – да 24 гадоў).
Пры выкарыстанні матэрыялаў актыўная гіперспасылка на mogilev-region.gov.by абавязковая
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці