Моладзі Магілёўскага раёна прапануюць далучыцца да анлайн-праекта «Мой старт»

Да ўдзелу ў ім запрашаюць маладых спецыялістаў, якія прыбылі на першае працоўнае месца ў арганізацыі Магілёўскага раёна ў мінулым і сёлетнім гадах.

Каб расказаць пра сябе, кожны з удзельнікаў павінен стварыць відэаролік на тэму «Мой старт» — пра першыя крокі ў прафесіі, адаптацыю на працоўным месцы, арганізацыю працы, побыт, вольны час, прафесійныя дасягненні, удзел у грамадскай дзейнасці працягласцю да трох хвілін і размясціць яго у сацыяльнай сетцы Інстаграм з хэштэгам #Мой_старт_Магілёўскі_раён.

Як удакладнілі ў Магілёўскім райвыканкаме, заяўкі на ўдзел у праекце прымаюцца не пазней за 16 снежня 2024 года на электронную пошту konkurs@mogrik.gov.by. У заяўцы неабходна пазначыць ПІБ удзельніка, месца працы, пасаду, кантактны тэлефон, спасылку на апублікаваны відэаролік.

Вынікі праекта падвядуць не пазней за 20 снежня 2024 года. Пераможцаў, якія занялі 1, 2 і 3 месцы, узнагародзяць прызамі і дыпломамі.

Арганізатарамі праекту выступаюць аддзел ідэалагічнай працы і па справах моладзі Магілёўскага райвыканкама, Магілёўскі РК ГА «БРСМ».

СБ