Музей Масленікава запрашае ў выходныя дні на інтэрактыўныя заняткі

Магілёўскі абласны мастацкі музей ім. П.У. Масленікава запрашае магіляўчан і гасцей горада на «Музейныя сустрэчы па выхадных».

У суботу, 6 мая з 13:00 да 14:00 пройдзе інтэрактыўны занятак «Што мы ведаем пра грошы?» (6+).

Супрацоўнікі музея раскажуць, што ж такое грошы і ці можна без іх пражыць? Пагавораць аб разнастайнасці манет і банкнот, аб нумізматычных рэдкасцях і таямнічых скарбах. Акрамя таго, гасцям будзе прапанавана стварыць цікавыя паштоўкі ў тэхніцы «фраттаж».

7 мая (нядзеля) з 13:00 да 14:00 інтэрактыўны занятак будзе прысвечаны Дню Перамогі (+6). Дзеці даведаюцца пра гісторыю свята, пра мастацкія творы на ваенную тэму і пра тое, якім коштам далася беларусам Вялікая Перамога.

Папярэдні запіс у буднія дні па тэлефоне: 8 (0222) 62-24-25.

Рэд.