На абласным радыё «Радыё Магілёў» стартуе радыёвіктарына «Павінны смяяцца дзеці»

Абласное ўпраўленне МНС сумесна з абласным радыё «Радыё Магілёў» запускаюць праект-віктарыну «Павінны смяяцца дзеці». Пра гэта паведаміла старшы інспектар абласнога ўпраўлення МНС Вольга Нехарошых.

«Ужо зусім хутка дзеці пойдуць у школу. У «пагоні» за добрымі адзнакамі важна не забываць і пра бяспеку дзіцяці, – адзначыла суразмоўца. – З мэтай папярэджання надзвычайных сітуацый з удзелам дзяцей і арганізацыі іх бяспекі мы падрыхтавалі праект-віктарыну».

Галоўная мэта мерапрыемства – праз азарт і логіку дастукацца да кожнага і растлумачыць, што бяспека дзіцяці ў першую чаргу залежыць ад дарослых, якія павінны навучыць дзіця і такім чынам прадухіліць бяспеку.

Віктарына стартуе 29 жніўня. Для таго, што атрымаць прыз ад ратавальнікаў і праверыць свой узровень IQ, неабходна згуляць у гульню «Дзе логіка?». На працягу тыдня ў супольнасці УКантакце «Радыё Магілёў» штодня ў 10.00 будзе размяшчаць заданне: 3 карцінкі. Задача ўдзельнікаў зразумець, што іх аб’ядноўвае.

Тым, хто правільна адгадае схаваны фрагмент і выканае заданне радыёвядучых, – падарунак ад МНС.

Настройвайце радыёпрыёмнікі на хвалю «Радыё Магілёў», сачыце за эфірамі, выбудоўвайце лагічны ланцужок, перамагайце і жывіце бяспечна са сваімі дзецьмі.

Рэд.