На «Беларусь 4. Магілёў» стартуе дабрачынны тэлемарафон «Сагрэем дзіцячыя сэрцы» (відэа)

Сёння тэлерадыёкампанія «Магілёў» сумесна з Магілёўскім абласным аддзяленнем Беларускага дзіцячага фонду пры падтрымцы аблвыканкама зноў дорыць радасць новага года дзецям, якія пазбаўленыя свята ў звычайным жыцці. Дабрачынны тэлемарафон «Сагрэем дзіцячыя сэрцы» пачнецца на тэлеканале «“Беларусь 4” Магілёў» а 14:00.

Падарыце радасць новага года дзецям, якія пазбаўленыя свята ў звычайным жыцці.

Зрабіць ахвяраванне проста: кароткі нумар МТС – *222*5# выклік. З вашага рахунку спішуць 2 рублі.

Кароткі нумар А1 – *222*42# выклік. Вы можаце выбраць суму ахвяравання 2,5 або 10 рублёў. Гэтак жа абаненты А1 могуць адправіць смс з любым тэкстам на нумар 2242. Сума ахвяравання – 2 рублі.

На стацыянарным тэлефоне нумар 8 902 215 11 11. З вашага рахунку спішацца 3 рублі.

Акрамя таго, вы можаце ўнесці дабрачынны ўзнос праз сістэму АРІП.

Падчас тэлемарафона мы расказваем аб дзіцячых лёсах, дапамагаем цяжка хворым дзецям і ўстановам, дзе яны выхоўваюцца. Але галоўнае – з вашай дапамогай выконваем мары. Сабраныя падчас тэлемарафона сродкі пойдуць на адрасную дапамогу дзецям Магілёўшчыны, якія апынуліся ў складанай жыццёвай сітуацыі.

ТРК «Могилев»