На летніх канікулах у Магілёўскай вобласці плануюць аздаравіць каля 46,5 тысячы школьнікаў

На летніх канікулах у Магілёўскай вобласці плануюць аздаравіць каля 46,5 тысячы школьнікаў. Гэта на 1,5 тысячы на больш, чым у 2022 годзе. У кругласутачных лагерах пройдуць аздараўленне 18 тысяч 848 школьнікаў і 27 тысяч 652 - у дзённых.

У летні аздараўленчы перыяд у вобласці будуць працаваць 15 стацыянарных кругласутачных лагераў і 3 арандаваных - на базе санаторыяў «Сосны», «Дубравенка», «Свіслач». Будуць таксама працаваць больш за 500 дзённых, каля 100 профільных і лагераў працы і адпачынку.

- У бягучым сезоне сем лагераў будуць працаваць у пяць змен: «Крыніца», «Мара», «Шчаткава», «Каласок», «Космас», «Сосны, «Дубравенка». Дарэчы, у 2022 годзе так адпрацавалі тры аздараўленчыя лагеры - «Раднік», «Мара», «Шчаткава», што дазволіла дадаткова аздаравіць 573 чалавекі. У гэтым сезоне амаль 40 працэнтаў кругласутачных лагераў будуць прымаць дзяцей на працягу 5 змен, - паведаміў начальнік прадстаўніцтва Магілёўскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва Юрый Яфімаў.

На падрыхтоўку стацыянарных лагераў рэгіёну з рэспубліканскага бюджэту выдзелена 62 тысячы 654 рублі, якія размеркаваны паміж 15 установамі прапарцыйна наяўнасці ў іх месцаў. Для лагераў, якія знаходзяцца на балансе абласнога, гарадскога і раённых бюджэтаў, прадугледжана 489 тысяч рублёў. Згодна з планам падрыхтоўкі лагераў, уласнікі намецілі накіраваць каля 350 тысяч рублёў.

Цяпер поўным ходам ідзе падрыхтоўка да пачатку сезона. Спецыялісты займаюцца рамонтам і добраўпарадкаваннем, пры неабходнасці набываюцца новая мэбля, тэхніка, сталовыя і бытавыя прыналежнасці. Працу лагера вобласці плануюць пачаць з 26 траўня і далей у адпаведнасці з графікам з максімальнай загрузкай.

Усяго на правядзенне летняй аздараўленчай кампаніі 2023 са сродкаў рэспубліканскага бюджэту для Магілёўскай вобласці выдзелена 7,4 мільёна рублёў.

СБ