На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды

На ўзбярэжжы заліва Дняпра 25 красавіка ў 12:00 пройдуць спаборніцтвы нацыянальнага чэмпіянату «Кубак чысціні Беларусі». Пра гэта расказалі ў Магілёўскім абкаме БРСМ.

У гульні плануюць удзел больш за 60 чалавек: 23 каманды ў складзе з 2-4 чалавек валанцёраў руху БРСМ «Добрае Сэрца» збяруцца каля ракі ў раёне гандлёвага цэнтра «Е-Сіці».

Удзельнікі будуць спаборнічаць у хуткасным і раздзельным зборы смецця, а таксама ў конкурсах на лепшую знаходку і экалагічную трапнасць, прадэманструюць свае веды ў экалагічнай віктарыне. За кожны напоўнены смеццем пакет каманда атрымае ўстаноўленую колькасць балаў, шляхам падсумоўвання якіх у канцы гульні вызначаць каманду лепшых экадобраахвотнікаў - іх будуць чакаць падарункі і сувеніры ад Саюза моладзі.

Пачатак рэгістрацыі ўдзельнікаў 25 красавіка ў 11.00, старт гульні ў 12.00.

Юлія Таранава