На заключны ўрок «Навагодняй майстэрні» запрашае музей П. В. Масленікава

На заключныя заняткі «Навагодняй майстэрні» запрашае Магілёўскі абласны мастацкі музей імя П. В. Масленікава. Пра гэта паведамілі ва ўстанове культуры.

Шосты ўрок пройдзе ў суботу, 25 снежня, у светлае свята каталіцкага Раства. Майстэрня будзе працаваць з 15:00 да 17:00. Гэтым разам у праграме «Калядны мікс» (4+).

«Гэтыя заняткі стануць заключнымі ў межах «Навагодняй майстэрні», – пракаментавалі арганізатары. – Многія пыталіся і цікавіліся, а ці не паўторым мы той ці іншы майстар-клас з мінулых. Мы вырашылі прыслухацца да просьбаў, і на апошняй нашай сустрэчы сёлета госці змогуць вырабіць навагоднюю ялінку, сняжынку або цацку на выбар».

Акрамя гэтага, удзельнікаў майстар-класа чакаюць дадатковыя каштоўныя падарункі.

Паўдзельнічаць у вырабе навагодняга дэкору можна, запісаўшыся ў будні дзень па тэлефонах: (8 0222)71-17-49; 62-24-25.

Рэд.