Сёння ў Магілёўскім аблвыканкаме адбылася сустрэча намесніка старшыні Магілёўскага аблвыканкама Валерыя Малашкі і алімпійскай чэмпіёнкі Дзінары Алімбекавай.
Валерый Малашка ад імя кіраўніцтва і ўсіх жыхароў вобласці павіншаваў праслаўленую спартсменку з усімі перамогамі і ўручыў заслужаную ўзнагароду – дыплом аб прысваенні звання «Чалавек года Магілёўшчыны» па выніках працы за 2020 год.
– Мы вельмі ганарымся тым, што свой спартыўны старт, узяты ў Прыдняпроўскім краі, Вы паспяхова працягваеце на міжнародных спаборніцтвах, – адзначыў намеснік старшыні аблвыканкама. – Жадаем вам новых дасягненняў і перамог. Упэўненыя, што імя Дзінары Алімбекавай яшчэ неаднаразова прагучыць на міжнароднай арэне.
У сваю чаргу спартсменка падзякавала кіраўніцтву Магілёўскай вобласці за стварэнне добрых трэніровачных умоў. Дзінара адзначыла, што, прыязджаючы ў родны край, заўсёды мае асаблівыя цёплыя пачуцці.
Дарэчы, у завершаным сезоне Дзінара Алімбекава стала пераможцай этапу Кубка свету ў Хохфільцэне (Аўстрыя) у спрынце і сярэбраным прызёрам у гонцы пераследу. У агульным заліку Кубка свету яна заняла сёмае месца. У далейшых планах біятланісткі – трэніроўкі і ўдзел у спаборніцтвах.
Галіна Гаўрыловіч, фота аўтара
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23
12.04.2024 - 09:48
Першынство па летнім паліатлоне ў Магілёве сабрала спартсменаў з Беларусі, Расіі і Казахстана