У сталовай № 75 цэха грамадскага харчавання ААТ «Магілёўхімвалакно» адбылося сапраўднае свята. Напярэдадні Дня работнікаў гандлю тут прайшло ўрачыстае мерапрыемства. Як і на любой іншай урачыстасці, тут прысутнічалі ганаровыя госці, найлепшым працаўнікам уручалі ўзнагароды, падарункі і кветкі, праходзілі найсмачнейшыя дэгустацыі прадукцыі ўласнай вытворчасці, гучалі шчырыя віншаванні і песні, а самае галоўнае – панавала цёплая і сяброўская атмасфера.
Генеральны дырэктар прадпрыемства Пётр Руднік звярнуўся да ўсіх прысутных з прывітальным словам, павіншаваў работнікаў ЦАПа са святам і ўручыў заслужаныя ўзнагароды. Ганаровай граматы ад адміністрацыі Кастрычніцкага раёна г. Магілёва была ўдастоена прадавец сталовай № 140 Валянціна Брылёва, Ганаровай граматы ААТ «Магілёўхімвалакно» – вядучы эканаміст цэха грамадскага харчавання Алена Касякова.
Пётр Міхайлавіч уручыў падзякі адміністратару кафэ «Элегія» Юліі Сілкінай, прадаўцу сталовай № 57 Наталлі Кірпічовай, прадаўцу магазіна № 1 Ірыне Рагачовай і начальніку цэха грамадскага харчавання Вользе Шутавай.
Прафсаюзны камітэт ААТ «Магілёўхімвалакно» таксама адзначыў работнікаў ЦАПа падзякамі. Старшыня прафкама прадпрыемства Уладзімір Падабед павіншаваў усіх са святам і ўручыў заслужаныя ўзнагароды абвальшчыку мяса ўчастка мясакалбасных і кандытарскіх вырабаў Дзмітрыю Легінскаму і кандытару Таццяне Кіртадзэ.
Начальнік інфармацыйна-рэдакцыйнага бюро – рэдактар газеты «Трудовая слава» Алеся Халявінская – далучылася да віншаванняў і адзначыла падзякамі ад рэдакцыі намесніка начальніка цэха грамадскага харчавання Аксану Акулевіч, загадчыцу вытворчасці сталовай № 75 Наталлю Захарчанку і загадчыцу вытворчасці сталовай № 117 Вольгу Цітову.
Старшыня першаснай арганізацыі ГА «Беларускі саюз жанчын» Таццяна Рыбак уручыла граматы Магілёўскай гарадской арганізацыі ГА «БСЖ» повару сталовай № 99 Ніне Бардышовай і кантралёру-касіру сталовай № 117 Іне Каваленка.
Свята працягнулася яркімі выступленнямі работнікаў прадпрыемства.
Калектыў цэха грамадскага харчавання – гэта добразычлівыя і ветлівыя людзі, яны заўсёды рады сустрэць нас за прылаўкам крамы, абслужыць у сталовай і смачна накарміць!
Пры выкарыстанні матэрыялаў актыўная гіперспасылка на mogilev-region.gov.by абавязковая
30.07.2025 - 10:33
Мультымедыйны фармат, інтэрактывы, эфект прысутнасці. Чаму варта наведаць Музей Славы Магілёўшчыны
30.07.2025 - 10:26
Бюджэт пражытачнага мінімуму павышаецца ў Беларусі з 1 жніўня
29.07.2025 - 14:49
Рыхтуюцца змены ў закон аб зваротах грамадзян і юрыдычных асоб
29.07.2025 - 09:53
Святыня, схаваная пад мастом. У Магілёве пакладзены пачатак адраджэння Траецкага храма
28.07.2025 - 14:53
У Мінпрацы нагадалі, хто можа атрымаць аднаразовую матэрыяльную дапамогу да новага навучальнага года
28.07.2025 - 11:53
Інтэрактыўныя гіды і экстрэмальныя веламаршруты - актыўны турызм