Наступствы стыхіі ў Магілёўскай вобласці ўхіляюць 103 брыгады энергетыкаў

У Магілёўскай вобласці, якая і так найбольш пацярпела ад стыхіі, ноччу 11 ліпеня пры праходжанні навальнічнага фронту ў шэрагу раёнаў былі зафіксаваны новыя адключэнні ў асноўнай і размеркавальнай электрычных сетках.

Па стане на 8 гадзін раніцы застаюцца адключанымі 44 паветраныя лініі электраперадачы 10 кВ, 260 трансфарматарных падстанцый і 107 населеных пунктаў у зоне дзеяння сетак 6-10 кВ.

На ліквідацыі наступстваў стыхіі ў Магілёўскай вобласці працуюць 103 брыгады энергетыкаў. У аварыйна-аднаўленчых работах задзейнічана 96 адзінак спецтэхнікі.

- Энергетыкі робяць усё магчымае, каб як мага хутчэй вярнуць святло ў дамы жыхароў. Работы прадоўжацца да поўнага аднаўлення электразабеспячэння. Дзякуем насельніцтва за цярпенне і разуменне. Нагадваем, што паведаміць пра парушэнні і пашкоджанні можна па тэлефонах: 115 і 144 (кругласутачна), — адзначылі ў «Магілёўэнерга».

СБ