Насычана па сваім змесце і асвятленні актуальных праблем - дэпутат аб інтэрв'ю Лукашэнку часопісу Time

Інтэрв'ю Прэзідэнта Беларусі Аляксандра Лукашэнкі амерыканскаму журналісту і пісьменніку Сайману Шустэру было вельмі насычаным па свайму зместу і асвятленню тых праблем, якія сёння хвалююць не толькі грамадзян нашай Саюзнай дзяржавы, але і грамадзян Злучаных Штатаў Амерыкі. Думаю, і ў Еўрасаюзе таксама прыцягнута ўвага да тых добрых слоў і пасылаў, якія агучыў кіраўнік дзяржавы. Аб гэтым намеснік старшыні Пастаяннай камісіі Палаты прадстаўнікоў па міжнародных справах Алег Дзьячэнка заявіў, каменціруючы нядаўняе інтэрв'ю Прэзідэнта Беларусі амерыканскаму часопісу Time.

Асаблівую ўвагу парламентарый звярнуў на асвятленне тых пытанняў, якія датычацца беларуска-ўкраінскага ўзаемадзеяння:

- Не сакрэт, што ўкраінскія палітыкі занялі вельмі недружалюбную пазіцыю ў дачыненні да нашай дзяржавы. Прывяду некалькі вельмі цікавых фактаў. Пасля выбараў, якія прайшлі ва Украіне ў 2014 годзе і 2019-м, беларуская дзяржава прызнала вынік гэтых выбараў, вельмі цесна ўзаемадзейнічала з нашымі ўкраінскімі партнёрамі. Але што мы атрымалі ўзамен? У 2020 годзе ўкраінскі палітычны рэжым заняў вельмі варожую пазіцыю ў адносінах да нашай краіны, увёў эканамічныя санкцыі, забарону на палёты, забарону на транспарціроўку нашых калійных угнаенняў. Далей - больш: украінцы пачынаюць дзейнічаць ужо зусім агрэсіўна, захопліваючы нашу ўласнасць і беручы фактычна ў закладнікі нашых кіроўцаў, якія працавалі на вялікагрузах, у сувязі з чым прыйшлося праводзіць спецыяльныя мерапрыемствы па іх вызваленні. А што казаць далей, калі кіраўніцтва асобных украінскіх гарадоў афіцыйна здзяйсняла дзеянні, не сумяшчальныя з міжнародным правам. Напрыклад, мэр горада Днепрапятроўска зняў Дзяржаўны сцяг Рэспублікі Беларусь, ды і шмат іншых вядомых фактаў сведчаць аб тым, што Украіна праводзіла і ў цяперашні час працягвае выкарыстоўваць негатыўную пазіцыю ў адносінах да нашай краіны.

Алег Дзьячэнка падкрэслівае, што, нягледзячы на гэта, Беларусь сёння гатова ўзаемадзейнічаць у тым ліку і па гуманітарных пытаннях, падаючы сваю тэрыторыю для вяртання ўкраінцаў, якія знаходзяцца ў расійскім палоне і наадварот.

- Яшчэ адзін аспект, на які я хацеў бы звярнуць увагу ў інтэрв'ю кіраўніка нашай дзяржавы, - гэта пытанне дзяржаўнага суверэнітэту і незалежнасці, - зрабіў акцэнт Алег Дзьячэнка. - Калі мы ўважліва прааналізуем усе выступленні нашага Прэзідэнта, то ўбачым, што лейтматывам заўсёды была галоўная ідэя, якой ён адданы, - гэта суверэнітэт і незалежнасць. Яны сёння з'яўляюцца базавай каштоўнасцю, нягледзячы на тое, што мы будуем з Расіяй, нашым гістарычным і вайскова-палітычным саюзнікам, Саюзную дзяржаву. Базавым прынцыпам з'яўляецца захаванне суверэнітэту і незалежнасці кожнага з удзельнікаў гэтага працэсу. І самае важнае, што ва ўмовах новых геапалітычных выклікаў, цывілізацыйных выклікаў, якія кінуты Захадам Рэспубліцы Беларусь, Расійскай Федэрацыі, мы павінны сумесна абараняць нашыя агульныя нацыянальныя інтарэсы ў эканамічнай, у ваенна-палітычнай і іншых сферах.

Алег Дзьячэнка ў сувязі з гэтым адзначыў, што Беларусь, выбудоўваючы доўгачасовыя, усепагодныя ўзаемаадносіны з нашымі саюзнікамі, такім чынам абараняе свае і суверэнітэт, і незалежнасць.

- Упэўнены, што ў далейшым разам з нашымі партнёрамі мы зможам выстаяць ва ўмовах знешняга эканамічнага, палітычнага ціску на нашу краіну і будзем далей сумеснымі намаганнямі абараняць нашы нацыянальныя інтарэсы.

СБ