Найлепшага педагога дадатковай адукацыі вобласці выберуць 29 студзеня ў Магілёве

Фінал рэгіянальнага конкурсу «Педагог дадатковай адукацыі» сярод спецыялістаў устаноў дададукацыі дзяцей і моладзі адбудзецца 29 студзеня ў Магілёве на базе абласнога цэнтра творчасці.

Удзельнікамі спаборніцтва стане 15 канкурсантаў. Гэта пераможцы адборачнага і прамежкавага этапаў. У апошнім спаборнічала 25 спецыялістаў. Яны дэманстравалі відэазаняткі з навучэнцамі аб’яднання па інтарэсах і іх план-канспект, падавалі метадычную распрацоўку і відэаматэрыялы майстар-класа па кірунку дзейнасці, матэрыялы з вопыту работы.

Праграма фіналу ўключае два асноўныя этапы: псіхолага-педагагічнае тэставанне «Тэорыя, практыка, вопыт», якое ўжо адбылося 23 студзеня, і візітную картку «Знаёмцеся – гэта я!» (пройдзе 29 студзеня). У суме балаў усіх конкурсных мерапрыемстваў прамежкавага і фінальнага этапаў журы вызначыць пераможцу, кандыдатура якога будзе прапанавана да разгляду на прысуджэнне звання «Найлепшы па прафесіі”, а таксама двух лаўрэатаў.

Абласны конкурс «Педагог дадатковай адукацыі» праходзіць у рэгіёне з 2005 года. Сёлятняе спаборніцтва праводзіцца сярод педагогаў устаноў дадатковай адукацыі дзяцей і моладзі спартыўна-тэхнічнага, эколага-біялагічнага, мастацкага, культурна-вольнага часу, турысцка-краязнаўчага і іншых профіляў, якія маюць першую або вышэйшую кваліфікацыйную катэгорыі, стаж працы не менш за 5 гадоў. Спаборніцтва накіравана на абагульненне і распаўсюджванне перадавога вопыту ў сістэме дададукацыі, выяўленне таленавітых, творчых спецыялістаў. Арганізатарам конкурсу выступае галоўнае ўпраўленне па адукацыі Магілёўскага аблвыканкама. Агульнае кіраўніцтва падрыхтоўкай і правядзеннем ажыццяўляе ДУДА «Абласны цэнтр творчасці».

Урачыстая цырымонія адкрыцця конкурсу адбудзецца ў канцэртнай зале ДУДА «Абласны цэнтр творчасці» ў 14.00.