Саветам Міністраў 29 мая прынята пастанова нумар 386 «Аб выніках рэспубліканскага агляду санітарнага стану і добраўпарадкавання населеных пунктаў Беларусі за 2023 год», паведамляе Нацыянальны прававы інтэрнет-партал.
Пераможцамі за высокія паказчыкі, дасягнутыя ў ходзе правядзення ў 2023 годзе рэспубліканскага агляду, прызнаны: па І катэгорыі - Магілёў (188 балаў); па II катэгорыі - Бабруйск (234 балы) Магілёўскай вобласці, Салігорск (231 бал) Мінскай вобласці; па III катэгорыі - Жабінка (250 балаў), Бяроза (242 балы) і Драгічын (233 балы) Брэсцкай вобласці; па IV катэгорыі - Чэрыкаў (237 балаў) і Бялынічы (204 балы) Магілёўскай вобласці, гарадскі пасёлак Шаркаўшчына (229 балаў) Віцебскай вобласці, гарадскі пасёлак Брагін (214 балаў) Гомельскай вобласці; па V катэгорыі - вёска Ляхавічы (181 бал), аграгарадок Горбаха (168 балаў) і аграгарадок Рудск (156 балаў) Іванаўскага раёна Брэсцкай вобласці, аграгарадок Вішоў (164 балы) Бялыніцкага раёна Магілёўскай вобласці, аграгарадок Вольгава (163 балы) Віцебскага раёну.
Акрамя таго, значны ўклад у павышэнне ўзроўню добраўпарадкаванасці тэрыторый адзначаны ў 10 населеных пунктах, у ліку якіх Кобрын (224 балы) Брэсцкай вобласці, Нясвіж (224 балы) Мінскай вобласці, Наваполацк (220 балаў) і Полацк (219 балаў) Віцебскай вобласці, Баранавічы (214 балаў) Брэсцкай вобласці, Петрыкаў (212 балаў) Гомельскай вобласці і іншыя.
Пераможцы ўзнагароджваюцца пераходным вымпелам і грашовымі прэміямі за кошт сродкаў рэспубліканскага бюджэту. Меры па рэалізацыі пастановы нумар 386 даручана прыняць Міністэрству жыллёва-камунальнай гаспадаркі і Міністэрству фінансаў.
Прававы акт уступае ў сілу пасля яго афіцыйнага апублікавання.
Пры выкарыстанні матэрыялаў актыўная гіперспасылка на mogilev-region.gov.by абавязковая
26.06.2024 - 14:22
Форум па супрацоўніцтве ў галіне адукацыі Цяньцзінь - Магілёў праходзіць у МДУ імя А.А. Куляшова
26.06.2024 - 09:22
Конкурс прафмайстэрства супрацоўнікаў кадравых падраздзяленняў міліцыі стартаваў у Магілёве
26.06.2024 - 09:13
25.06.2024 - 18:50
25.06.2024 - 16:54
Прамыя тэлефонныя лініі пройдуць 29 чэрвеня у Магілёўскай вобласці