Новаўвядзенні заканадаўства па фінансаваму аздараўленню прадпрыемстваў разгледзелі на семінары-нарадзе ў Магаблвыканкаме

Семінар-нарада па пытаннях рэалізацыі паўнамоцтваў дзяржаўнымі органамі ў сферы ўрэгулявання неплацежаздольнасці, накіраваных на папярэджанне неплацежаздольнасці і банкруцтва, прайшоў сёння ў Магілёве з удзелам прадстаўнікоў Дэпартамента па санацыі і банкруцтве Мінэканомікі і членаў савета па развіццю прадпрымальніцтва пры Магаблвыканкаме, а таксама прадстаўнікоў структур гаррайвыканкамаў, арганізацый рэгіёна.

Раней мы падрыхтавалі праект рашэння Магілёўскага аблвыканкама, які вызначае парадак нашай працы. Па рэкамендацыі юрыдычнай службы ён пераўтвораны ў комплекс мер па аналогіі з рэспубліканскім. Пасля ўзгаднення дакумент будзе прыняты на паседжанні аблвыканкама і стане даступны да выкарыстання».

У сваю чаргу дырэктар Дэпартамента па санацыі і банкруцтве Міністэрства эканомікі Юрый Тараканаў распавёў прысутным аб тлумачальнай працы, якая праводзіцца Мінэканомікі і, у прыватнасці, дэпартаментам: «Мы разумеем, што Закон «Аб урэгуляванні неплацежаздольнасці» дастаткова складаны і зведаў мноства змен. Так, напрыклад, адбылося істотнае пераразмеркаванне функцый паміж дзяржорганамі і судовай уладай, дзе большы націск зроблены на пашырэнне паўнамоцтваў дзяржаўных органаў у частцы фінансавага аздараўлення прадпрыемстваў. Вядучая функцыя дзяржоргана - не дапускаць пагаршэння фінансавага становішча прадпрыемства або прыкласці максімальныя намаганні для таго, каб змякчыць крызіс. Варта таксама звярнуць увагу, што значна змянілася падстава падачы заяў як ад крэдытораў, так і даўжнікоў, камплектнасць дакументаў. Акрамя таго, узмоцнена роля ў дачыненні да крэдытора, звязаная з выплатай заработнай платы, платы ў ФСАН. Мы бачым, што закон істотна памяняўся ў частцы гэтых паўнамоцтваў. Новаўвядзенні датычацца і артыкулаў, у якіх прапісаны функцыянал, які замацоўваецца за дзяржорганамі пры аналізе фінансавага стану прадпрыемстваў. Так, заканадаўства фактычна адышло ад такога паняцця, як неплацежаздольнасць. Вызначэнне яму дадзена, але зараз яго складнікі будуць аналізавацца з улікам рызык наступлення банкруцтва. Усе гэтыя і іншыя моманты знайшлі адлюстраванне як у заканадаўстве, так і ў падзаконных актах.

Істотная работа праведзена Мінэканомікі сумесна з Мінфінам па правядзенні працэдуры ацэнкі рызык наступлення банкруцтва, якая дае магчымасць на падставе аналізу асобных паказчыкаў вызначыць, якія меры трэба прымяніць адносна таго ці іншага прадпрыемства. І своечасовае тлумачэнне ўсіх нюансаў неабходна, каб сфарміраваць агульнае разуменне, як рухацца далей».

У фармаце «адкрытай прыёмнай» адбылося абмеркаванне актуальных і праблемных пытанняў развіцця суб'ектаў малога і сярэдняга прадпрымальніцтва. Спікеры акцэнтавалі ўвагу на вызначальных фактарах неабходнасці фінансавага аздараўлення прадпрыемстваў, растлумачылі ўдзельнікам сустрэчы шэраг арганізацыйных асаблівасцей і практычных аспектаў работы ў сувязі з новаўвядзеннямі ў заканадаўчых дакументах. Усе жадаючыя змаглі атрымаць адказы на хвалюючыя іх пытанні і сітуацыі.

Юлія Таранава, фота Галіны Гаўрыловіч