Новы праект «Маё жыццё. Мой шлях. Мой Прэзідэнт» стартуе на «Марафоне адзінства» у Магілёве

Як нарадзілася ідэя стварэння новага праекта для рэспубліканскай грамадска-культурнай акцыі «Марафон адзінства», расказаў старшыня праўлення РДГА «Беларускае таварыства «Веды», генеральны дырэктар Нацыянальнай бібліятэкі Беларусі Вадзім Гігін у праекце БЕЛТА «Краіна гаворыць».

Вадзім Гігін нагадаў аб знакавых падзеях вясны гэтага года. «У сакавіку мы ўсе адзначалі 30-годдзе Канстытуцыі. Кіраўнік дзяржавы 15 сакавіка сабраў у Палацы Незалежнасці тых, хто меў дачыненне да распрацоўкі і ў добрым сэнсе - прапагандзе асноўных палажэнняў Канстытуцыі, а таксама людзей, якія ўнеслі ўклад у развіццё нашай дзяржаўнасці за апошнія 30 гадоў, і сказаў, звяртаючыся да іх: «Вы ўжо пакінулі пасады, але яшчэ можаце працаваць з людзьмі і расказваць пра многае, дзяліцца з імі ведамі». Я тады задумаўся, як мы можам гэта зрабіць. І вось дапамог «Марафон адзінства». «Марафон адзінства» паклікаў у дарогу. Едзем у Магілёў», - адзначыў ён.

Паводле слоў гендырэктара Нацыянальнай бібліятэкі, напярэдадні была размова з Аляксандрам Міхайлавічам Радзьковым (першы намеснік кіраўніка Адміністрацыі Прэзідэнта Беларусі (2011-2016 гады), міністр адукацыі (2003-2010 гады), доктар педагагічных навук, прафесар, заслужаны дзеяч навукі Рэспублікі Беларусь, рэктар Магілёўскага дзяржаўнага ўніверсітэта імя А.А.Куляшова ў 2001-2003 гадах. «І я падумаў: Аляксандр Міхайлавіч Радзькоў, «Марафон адзінства», Магілёў, універсітэт - усё сышлося. Раскрыем яшчэ адзін сакрэт: Ганна Сяргееўна (Ганна Лукашэнка, кіраўнік рабочай групы па арганізацыі і правядзенні акцыі «Марафон адзінства». - Заўвага БЕЛТА) прыдумляе класныя слоганы і назвы праектаў. І яна тут жа выдала: «Маё жыццё. Мой шлях. Мой Прэзідэнт». Так атрымаўся праект, які стартуе ў гэтую пятніцу ў Магілёўскім дзяржаўным універсітэце імя А.А.Куляшова. Аляксандр Міхайлавіч Радзькоў - першы спікер гэтага праекту», - анансаваў ён.

БЕЛТА