«Омск Карбон Магілёў» пачаў выпуск прадукцыі ў межах правядзення пуска-наладачных работ. Як і планавалася, да гэтага моманту прадпрыемства атрымала неабходны пакет дазваляючай дакументацыі, якая прайшла дбайную праверку з боку кантрольна-наглядных органаў, паведамілі ў прэс-службе завода.
Адзначым: вытворчасць тэхнічнага вугляроду ў Магілёве арыентавана на глабальных спажыўцоў Еўрасаюза і Беларусі. На ўнутраным рынку з выхадам на поўную магутнасць прадпрыемства на 100% закрые патрэбнасць Беларусі ў асноўных марках тэхвугляроду, у тым ліку і такога гіганта, як «Белшына». Сёння на «Омск Карбон Магілёў» ужо працуе 370 чалавек. Агульны аб’ём капіталаўкладанняў у праект складае больш за 100 млн. еўра.
Напярэдадні пуску «Омск Карбон Магілёў» з візітам наведаў гандлёвы прадстаўнік Расіі ў Рэспубліцы Беларусь Юрый Залатароў. Падобныя візіты на прадпрыемства носяць рэгулярны характар. Бо рэалізацыі гэтага інвестыцыйнага праекта міжнароднага значэння надаецца сур’ёзная ўвага з боку органаў дзяржаўнай улады абедзвюх дзяржаў. Сёння «Омск Карбон Магілёў» з’яўляецца рэальным прыкладам інтэграцый дзвюх эканомік – расійскай і беларускай.
Старшыня савета дырэктараў ТАА «Омсктэхвуглярод» Валерый Каплунат і генеральны дырэктар ЗТАА «Омск Карбон Магілёў» Марат Ігізбаеў пазнаемілі Юрыя Залатарова з ходам пуска-наладачных работ, расказалі пра гатоўнасць прадпрыемства выконваць узятыя на сябе абавязацельствы па выпуску прадукцыі і правялі экскурсію па вытворчай пляцоўцы. За год праведзена вялікая праца. Да моманту запуску першага патоку зманціравана і ўведзена ў эксплуатацыю асноўнае абсталяванне. Устаноўлены сучасныя ачышчальныя сістэмы, з ужываннем якіх «Омск Карбон Магілёў» стане ў адзін шэраг з самымі перадавымі заводамі свету. У тым ліку і ў частцы экалогіі, бо экалагічны аспект напрамую ўплывае на эканамічную паспяховасць праекта. З пускам першага патоку адначасова пачне працу і аўтаматызаваная сістэма кантролю выкідаў забруджвальных рэчываў. Трэба дадаць, што на працягу года актыўна вялося будаўніцтва другога тэхналагічнага патоку. Цяпер яго гатоўнасць складае 85%.
Юрый Залатароў высока ацаніў праведзеную працу і выказаў упэўненасць у паспяховасці праекта.
Пры выкарыстанні матэрыялаў актыўная гіперспасылка на mogilev-region.gov.by абавязковая
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35
15.04.2024 - 09:30
«Белшына» сумесна з БДТУ умацоўвае партнёрства з вядучымі кітайскімі шыннымі кампаніямі
12.04.2024 - 14:14
11.04.2024 - 17:43