Па цэнтральных вуліцах Бабруйска 21 снежня пройдзе тэатралізаванае шэсце Дзядоў Марозаў і Снягурак

Па цэнтральных вуліцах Бабруйска 21 снежня пройдзе традыцыйнае тэатралізаванае шэсце Дзядоў Марозаў і Снягурак «Навагодні касплей».

Усе героі дзейства прыедуць на вакзал на цягніку. У 15.00 паміж чыгуначным і аўтавакзалам будзе сфарміравана калона. Яна пройдзе па вул. Інтэрнацыянальнай, а пасля зверне на вул. Кастрычніцкую і на пл. Леніна – да галоўнай ёлкі горада, дзе запаліцца святочная ілюмінацыя.

Вітаць жыхароў ля галоўнай ёлкі будзе жывы сімвал адыходзячага года. Для жыхароў і гасцей горада рыхтуюць шмат сюрпрызаў, у тым ліку канцэртныя выступленні. Таксама будуць арганізаваны гандаль і пункты грамадскага харчавання.

Забавы па душы знойдуць і дзеці ўсіх узростаў, і дарослыя. Удзел у святочных мерапрыемствах бясплатны.

БЕЛТА