Рус Бел Eng 中文

Па выніках працы за 2019 год у Магілёўскай вобласці забяспечана стабільнае функцыянаванне сістэмы сацабароны – Святлана Тарасенка

Па выніках працы за 2019 год у Магілёўскай вобласці забяспечана стабільнае функцыянаванне сістэмы сацабароны. Пра гэта паведаміла на выніковай калегіі Камітэта па працы, занятасці і сацыяльнай абароне аблвыканкама яго старшыня Святлана Тарасенка. На пасяджэнне былі запрошаныя намеснік міністра працы і сацыяльнай абароны Аляксандр Румак і намеснік старшыні аблвыканкама Валерый Малашка.

 

Ад занятасці насельніцтва залежыць не толькі якасць жыцця грамадзян, але і эфектыўнасць праводзімай палітыкі, адзначыла старшыня камітэта. У 2019-м назіралася зніжэнне ўзроўню зарэгістраванага беспрацоўя, якое склала на пачатак бягучага года 0,3%. На нізкім узроўні заставаўся каэфіцыент напружанасці.

«У цэлым выкананы задачы, якія стаялі перад рэгіёнам у сферы садзейнічання занятасці, – падкрэсліла Святлана Тарасенка. Варта пад іншым вуглом глядзець на працэсы, якія адбываюцца на рынку працы». У службе занятасці вобласці заяўлена больш за 8 тыс. вакансій. На аднаго саіскальніка прыпадае каля 5 працоўных месцаў. Здавалася б, расце колькасць вакансій, значыць, пашыраюцца магчымасці працаўладкавання. Але ў 16 раёнах адзначаны рост удзельнай вагі свабодных працоўных месцаў. Гэта гаворыць пра тое, што асобныя рэгіёны і прадпрыемствы ўжо адчуваюць рэальную патрэбу ў працоўных рэсурсах. Да таго ж, штогод адзначаецца зніжэнне колькасці занятых у эканоміцы.

Таму ў ліку першачарговых задач на бягучы год – стварэнне новых рабочых месцаў. У 2019-м за кошт адкрыцця вытворчасцяў і прадпрыемстваў было працаўладкавана 4833 чалавекі. У прыярытэце таксама падтрымка малога бізнесу шляхам вылучэння бязвыплатных субсідый. У мінулым годзе 226 беспрацоўных адкрылі ўласную справу дзякуючы такой дапамозе. Найважнейшы напрамак – аказанне максімальнага садзеяння грамадзянам у пошуку працы. Паводле слоў Святланы Тарасенка, удзельная вага працаўладкаваных грамадзян, якія звярнуліся ў органы па працы, занятасці і сацыяльнай абароне, у 2019-м склала 73,3%. Гэта найлепшы паказчык па рэспубліцы, а ў палове раёнаў ён дасягнуў больш за 80%. У апошні час усё большая ўвага надаецца і павышэнню якасці рабочай сілы. Пытанням навучання надаецца больш сур’ёзная ўвага. І гэта зразумела, бо патрабаванні наймальнікаў да ўзроўню кваліфікацыі спецыялістаў растуць з дня ў дзень.

Немалаважны момант у дзейнасці сістэмы сацабароны – стварэнне бяспечных умоў працы ў арганізацыях вобласці. На мадэрнізацыю і паляпшэнне іх у мінулым годзе было накіравана ў 4,3 разы больш запланаваных сродкаў, што дазволіла знізіць удзельую вагу месцаў са шкоднымі ўмовамі працы на 2,6%. На 8% зменшылася агульная колькасць няшчасных выпадкаў на вытворчасці (275 супраць 299), у тым ліку са смяротным зыходам – на 24%, з цяжкім – на 14%.

Святлана Тарасенка паведаміла, што на 1 студзеня 2020 года ў органах па працы, занятасці і сацыяльнай абароне рэгіёна на ўліку атрымальнікаў пенсій і дапамог знаходзілася 306 180 чалавек. Пры гэтым у 2019-м прызначана 22,8 тыс. новых пенсій і дапамог, выканана 4,9 тыс. пераразлікаў па заявах грамадзян. Сярэдні памер пенсіі за студзень склаў Br425,89, пенсіі па ўзросце – Br442,65 (павелічэнне да студзеня 2019-га – 13,1% і 13,3% адпаведна). Усяго на выплату пенсій і дапамог накіравана Br1,5 млрд.

У 2019 годзе вялася мэтанакіраваная праца па аказанні сацыяльнай дапамогі і прадастаўленні сацабслугоўвання ветэранам Вялікай Айчыннай вайны, грамадзянам пажылога ўзросту, інвалідам і інш. Сёння ў рэгіёне налічваецца больш за 12,7 тыс. пажылых людзей, якія атрымліваюць сацыяльныя паслугі дома. Іх колькасць вырасла на 2,3%.

Робяцца захады па стварэнні даступнага асяроддзя для інвалідаў. У 2019-м безбар’ерным доступам у рэгіёне абсталявана 106 аб’ектаў сацыяльнай інфраструктуры.

У вобласці ордэнам Маці ўзнагароджаны 1052 шматдзетныя мамы, а сямейны капітал на мінулым годзе прызначаны 1553 сем’ям.

Дзяржаўная адрасная сацыяльная дапамога прадастаўлена 51,8 тыс. грамадзян на суму Br14 164,2 тыс.

На ўмацаванне матэрыяльнай базы дамоў-інтэрнатаў выдаткавана Br1336 тыс., аддзяленняў – 355,6 тыс. На гэты момант у Вясноўскім доме-інтэрнаце вядзецца рэалізацыя двух праектаў, накіраваных на падрыхтоўку выхаванцаў да самастойнага жыцця. Сумесна з Міжнародным грамадскім аб’яднаннем «Голас сэрца» з 2016 года ва ўсіх дамах-інтэрнатах псіханеўралагічнага профілю ўкаранёна навучанне грамаце па спецыяльнай праграме. Існуе магчымасць прадастаўлення часовага, у тым ліку кароткатэрміновага, пражывання ва ўсіх дамах-інтэрнатах, а ў Вясноўскім створаны ўмовы для прадастаўлення паслугі па сацыяльнай перадышцы, якой у 2019-м скарысталася 86 чалавек.

Разгледзеўшы праблемныя пытанні функцыянавання сферы сацыяльнай абароны рэгіёна, удзельнікі пасяджэння вызначылі асноўныя задачы на 2020 год. Шэраг работнікаў сістэмы камітэта за свае дзелавыя і прафесійныя якасці быў узнагароджаны Ганаровымі граматамі і падзякамі Міністэрства працы і сацыяльнай абароны, абласнога Савета дэпутатаў, аблвыканкама, абласнога камітэта прафсаюза работнікаў дзяржаўных і іншых устаноў, камітэта па працы, занятасці і сацыяльнай абароне, а таксама сертыфікатамі аб занясенні на Дошку гонару камітэта.

Акрамя таго, на калегіі падвялі вынікі абласнога агляду якасці і культуры сацыяльнага абслугоўвання насельніцтва за 2019 год. Дыпломамі і грашовымі прызамі былі адзначаны:

 

сярод упраўленняў па працы, занятасці і сацыяльнай абароне гарадскіх і раённых выканаўчых камітэтаў:

I месца – упраўленне па працы, занятасці і сацыяльнай абароне Краснапольскага райвыканкама;

II месца – упраўленне па працы, занятасці і сацыяльнай абароне Магілёўскага райвыканкама;

III месца – упраўленне па працы, занятасці і сацыяльнай абароне Шклоўскага райвыканкама;

 

сярод упраўленняў сацыяльнай абароны адміністрацый раёнаў у гарадах Бабруйску і Магілёве:

упраўленне сацыяльнай абароны адміністрацыі Ленінскага раёна г. Магілёва;

 

сярод тэрытарыяльных цэнтраў сацыяльнага абслугоўвання насельніцтва:

I месца – установа «Кіраўскі раённы Цэнтр сацыяльнага абслугоўвання насельніцтва»;

II месца – установа «Цэнтр сацыяльнага абслугоўвання насельніцтва Кастрычніцкага раёна г. Магілёва»;

III месца – установы сацыяльнай абароны «Тэрытарыяльны Цэнтр сацыяльнага абслугоўвання насельніцтва Першамайскага раёна г. Бабруйска»;

 

сярод дамоў-інтэрнатаў:

I месца – Вясноўскі дом-інтэрнат для дзяцей-інвалідаў з асаблівасцямі псіхафізічнага развіцця;

II месца – Чавускі псіханеўралагічны дом-інтэрнат;

III месца – Каменскі псіханеўралагічны дом-інтэрнат.

Пры выкарыстанні матэрыялаў актыўная гіперспасылка на mogilev-region.gov.by абавязковая