Пад Магілёвам пройдзе абласны этап рэспубліканскай ваенна-патрыятычнай гульні «Арляня» сярод школьнікаў

У пятніцу, 30 мая, паблізу Магілёва ў вайсковай часці № 72471 у Пашкова адбудзецца абласны этап рэспубліканскай ваенна-патрыятычнай гульні «Арляня» сярод навучэнцаў школ 8–11-х класаў, распавялі ў абкаме БРСМ.

Мерапрыемства, накіраванае на грамадзянска-патрыятычнае выхаванне, збярэ каманды школьнікаў ва ўзросце 14-16 гадоў, каб праверыць іх фізічную падрыхтоўку, камандны дух і веданне гісторыі. Чакаецца ўдзел больш за 15 каманд па 10 чалавек у кожнай.

Удзельнікам трэба будзе пазмагацца за перамогу ў творчым конкурсе «Баявы лісток», ваенізаванай гульні на мясцовасці «Час каманды», пройдуць таксама конкурсы песні і ладу, «Выдатны стрэлак»; ваенна-спартыўны «Мужнасць! Адвага! Гонар!», інтэлектуальны квіз-турнір «Помнім аб мінулым, ганарымся сучаснасцю, думаем пра будучыню!».

Пераможцы абласнога этапа прадставяць Магілёўскую вобласць у рэспубліканскім фінале ваенна-патрыятычнай гульні «Арляня».

СБ