Падрыхтоўка рэспубліканскага свята «Купалле» - «Александрыя збірае сяброў - 2024» выходзіць на фінішную прамую

Ход падрыхтоўкі і правядзення рэспубліканскага свята «Купалле» - «Александрыя збірае сяброў - 2024» абмеркавалі сёння на анлайн прэс-канферэнцыі ў Прэс-цэнтры Дома прэсы. Удзел у ёй узялі намеснік старшыні Магілёўскага аблвыканкама Алег Сцельмашок і намеснік начальніка галоўнага ўпраўлення - начальнік упраўлення дзяржаўных спецыяльных культурных мерапрыемстваў Міністэрства культуры Рэспублікі Беларусь Іна Адамовіч.

Працэс падрыхтоўкі свята ўжо выходзіць на фінішную прамую, усе арганізацыйна-тэхнічныя мерапрыемствы вырашаны, з 25 чэрвеня пачнецца мантаж пляцовак, які будзе завершаны да 5 ліпеня. І ўжо 6-7 ліпеня гасцінная шклоўская зямля будзе прымаць гасцей. Упершыню будуць удзельнічаць у свяце прадстаўнікі з Магаданскай, Іркуцкай, Ульянаўскай абласцей, Рэспублік Комі, Мардовія Расійскай Федэрацыі, Узбекістана і Азербайджана.

«У бягучым годзе свята «Купалле» - «Александрыя збірае сяброў» пройдзе ў пятнаццаты раз. А гэта ўжо мае на ўвазе пэўныя традыцыі, пэўныя формы, - падкрэсліў Алег Сцельмашок. - З улікам сучасных пасылаў мы на гэты раз абазначаем асноўнымі тэмамі: Год якасці, 80-годдзе вызвалення Рэспублікі Беларусь ад нямецка-фашысцкіх захопнікаў, а таксама - 30-годдзя інстытута прэзідэнцтва ў Рэспубліцы Беларусь.

Мы пастараліся максімальна з улікам заявак нашых гасцей у папярэднія гады сфарміраваць не толькі традыцыйныя пляцоўкі, значна пашырыць іх. Толькі гандлёвых радоў павялічылася да 1,8 км. Колькасць месцаў пасадкі нашых гасцей у гандлёвых зонах таксама будзе павялічана на 600. Разнастаілі мы і творчыя пляцоўкі, тэматычныя павільёны, дзе будуць прадстаўлены разнастайныя напрамкі ад забаўляльных да патрыятычных, інтэлектуальных, гэта будуць і цыркавыя пляцоўкі, і паказы лялечнага тэатра, Беларусьфільма, будуць і рэканструктары, і маладзёжныя пляцоўкі. Таксама асаблівым маштабам у гэтым годзе нас парадуе пляцоўка народнай творчасці.».

Як адзначыў намеснік старшыні аблвыканкама, у бягучым годзе запрашэнні адпраўлены 22 рэгіёнам Расійскай Федэрацыі:

«Яны з задавальненнем адгукнуліся і з добрым настроем едуць парадаваць сваёй творчасцю нашых гасцей. Убаку не засталіся, далучыліся і ўсе рэгіёны Рэспублікі Беларусь, а таксама горад Мінск. Што да творчых пляцовак, то акрамя асноўнай канцэртнай пляцоўкі будзе яшчэ чатыры. Гэта і малая сцэна, дзе пройдзе канцэрт Саюзнай дзяржавы і адбудзецца святочнае адкрыццё, дзе будуць прадстаўлены ўсе творчыя ўдзельнікі. Будуць працаваць і малыя канцэртныя пляцоўкі, дзе будзе прадстаўлена народная творчасць, маладзёжныя праекты «АРТ-вакацыі», «Уладар вёскі», будзе тэматычная пляцоўка патрыятычнай накіраванасці, дзе нашы маладыя хлопцы, апранутыя ў форму часоў Вялікай Айчыннай вайны, будуць прэзентаваць сваю творчасць, выконваючы ваенныя песні на аўтамабілі, як гэта было ў тыя гады.

Мы ўпэўненыя, што ўсе гэтыя лакацыі, вядома, прывабяць людзей. І доказам гэтага стала тое, што яшчэ тры тыдні таму мы ўжо прадалі ўсе білеты на гала-канцэрт, а іх было больш за 3,2 тыс. Аднак, падкрэслю, што гэта не абмяжоўвае прысутнасць нашых гасцей на свяце - усе пляцоўкі будуць працаваць 6 ліпеня. з 11.00 і, вядома ж, скончыцца свята традыцыйнай запатрабаванай маладзёжнай дыскатэкай, якая пачнецца пасля асноўнага канцэрта і працягнецца да 03.00 ночы 7 ліпеня.

Таму запрашаем усіх жадаючых узяць удзел у гэтым маштабным, атмасферным свяце. Арганізатары - Міністэрства культуры, Магілёўскі аблвыканкам, аргкамітэт пад старшынствам намесніка прэм'ер-міністра Ігара Віктаравіча Петрышэнкі забяспечылі ўсё для таго, каб свята прайшло цікава, напоўнена і, самае галоўнае, бяспечна», - рэзюмаваў Алег Сцельмашок.

Падрабязней аб праграме свята будзе расказана ў найбліжэйшых публікацыях на сайце Магілёўскага аблвыканкама.

Юлія Таранава, фота аўтара і Галіны Гаўрыловіч